Idara hii lengo lake ni kuwezesha utoaji wa huduma bora za afya na kinga,matibabu na maendeleo ya huduma za afya na ustawi wa Jamii katika Manispaa idara hii inaongozwa na mganga mkuu wa wilaya(DMO).
Majukumu ya Idara ya Afya na Ustawi wa Jamii katika Halmashauri ya Manispaa ya Ubungo.
Kuratibu na kushauri juu ya utekelezaji wa wa sera za Afya katika Wilaya
Kuratibu masuala ya Afya na Ustawi wa Jamii katika Wilaya
Kusimamia utoaji sahihi wa huduma za Afya zinazotolewa na hospitali/vituo vya Umma na sekta binafsi katika Wilaya
Kuzijengea uwezo Hospitali, vituo vya Afya na Zahanati katika utoaji wa huduma za Afya
Kutoa ushauri wa kitaalamu katika uandaaji wa mipango ya upambanaji/uzuiaji wa tatizo la Virusi/UKIMWI (HIV/AIDS)
Kutoa ushauri wa kitaalamu juu ya uendeshaji wa shughuli zinazohusiana na masuala ya Virusi/UKIMWI (HIV/AIDS) katika Wilaya
Kutoa huduma za Afya/msaada unaohitajika wakati wa milipuko ya magonjwa katika Wilaya
Kutoa huduma za kliniki na matibabu kwa wagonjwa wa ndani na nje wanaoletwa kutoka vituo vya Afya/hospitali za Halmashuri ya Wilaya .
Kutoa huduma za kitaalamu (utaalamu wa kubobea) za matibabu
Kutoa/Kusaidia huduma za kitaalamu na msaada unaohitajika kwa vituo vya Afya na Hospitali wakati wa milipuko ya magonjwa yakuambukiza
Kutoa huduma za rufaa za maabara na vipimo
Kuratibu upatikanaji wa madawa/vifaa tiba kwa ajili ya hospitali za Wilaya.
