BARAZA LA MADIWANI ROBO YA TATU 2022/2023 MANISPAA YA UBUNGO

Posted on: May 9th, 2023

Baraza la Madiwani la Halmashauri ya Manispaa ya Ubungo limeitaka Manispaa hiyo kuhakikisha maeneo yote yanayomilikiwa na Manispaa hiyo yanapimwa na kupata hati ya umiliki wa maeneo hayo ili kuepuka uvamizi wa maeneo hayo.

Hayo yamejiri leo tarehe 09 Mei, 2023 kwenye mkutano wa baraza la kawaida la Madiwani la kujadili taarifa mbalimbali za halmashauri robo ya tatu kwa mwaka wa fedha 2022/2023.

Akiongea Mhe. Juma Japhary Nyaigesha Mwenyekiti wa Baraza hilo ambae ni Mstahiki Meya wa Manispaa amesema ni muhimu kwa maeneo ya Umma kupimwa kwa maslahi ya wananchi na hivyo kuwa na umiliki halali wa maeneo hayo
 
Sambambacna hilo Mhe. Nyaigesha amewataka wataalamu wa manispaa hiyo kuendelea kuwa na juhudi juu ya ukusanyaji wa mapato ya manispaa hiyo ili kufikia lengo  la makusanyo
Kwa upande wake Mkuu wa wilaya ya Ubungo Mhe. Hashimu Komba amewataka viongozi na watumishi wa manispaa hiyo kushirikiana kwa pamoja katika utekelezaji wa majukumu ili kuwa na matokea chanya na kuhakikisha miradi mbalimbali ya Manispaa inasimamiwa kwa umakini na ufanisi zaidi.
Baraza la Madiwani hufanyika kila robo ambapo taarifa mbalimbali za Kata hupokelewa ikiwa ni pampja na kupitia na kujadili taarifa mbalimbali za Halmashauri.