BODI YA AFYA MANISPAA YA UBUNGO YAKUTANA

Posted on: July 20th, 2023

Bodi ya Afya Manispaa ya Ubungo imesisitiza upatikanaji wa huduma bora kwa Wananchi kuzingatiwa kwa kuhakikisha Bima za msamaha wa matibabu kwa Wazee na pia elimu ya ukataji wa Bima ya Afya iendelee kutolewa kwa jamii.

Hayo yameelezwa  Julai 20, 2023 wakati wa kupitia taarifa za utekelezaji wa shughuli za idara ya Afya, Lishe na Ustawi wa jamii  kwa robo ya tatu na ya nne ambapo wajumbe walipongeza mafanikio ya Idara kwa kuhakikisha wanatoa huduma nzuri kwa wananchi.

Akiwasilisha taarifa ya utekelezaji wa idara hiyo kwa robo ya tatu na ya nne kaimu Mganga Mkuu wa Manispaa hiyo, Dkt. Catherine Saguti amesema kuwa idara imefanikiwa kuwahudumia  Wazee 98 kwa robo ya tatu walifikiwa kutoka katika Kata 14 na wamewapatia  vitambulisho vya msamaha wa matibabu na robo ya nne wazee 57 walifikiwa pia nakupewa vitambulisho hivyo.

Aliendelea kusema kuwa idara pia ilifanikiwa kupiga dawa ya kuzuia madharia ya mbu na kuua  mbu pevu ili kuepukana na ongezeko la ugonjwa wa malaria na pia kwa robo ya nne  ugawaji wa Vyandarua  1431 umefanyika  katika Zahanati, Vituo vya Afya na Hospitali za binafsi.

Pia  idara imefanikiwa kupunguza vifo vitokanavyo na uzazi, kuibua maambukizi mapya ya VVU kwa kuhakikisha upimaji unafanyika katika vitengo vyote muhimu hasa OPD na RCH

Wajumbe, walipongeza timu ya Mganga Mkuu kwa  utoaji wa Chanjo  inayosaidia kupunguza vifo vya Watoto chini ya miaka mitano

wajumbe wa bodi ya afya Manispaa ya Ubungo  wakiwa katika kikao cha tathimini ya utekeleza kwa idara ya afya kwa kipindi cha robo ya tatu na nne