BODI YA AFYA MANISPAA YA UBUNGO YAKUTANA KUJADILI TAARIFA YA UTEKELEZAJI WA ROBO YA TATU JANUARI-MARCHI

Posted on: July 2nd, 2024

Mapema tarehe 2 julai, 2024 wajumbe wa bodi ya Afya Manispaa ya Ubungo wamefanya kikao cha kujadili taarifa ya utekelezaji wa kawaida wa Idara ya Afya, Ustawi wa jamii na lishe kwa kipindi cha robo ya tatu januari - Machi 2023/2024

Akizungumza katika kikao hicho Mwenyekiti wa bodi hiyo Israel sosteness amewapongeza watumishi wa Idara hiyo kwa kuhakikisha wanatekeleza majukumu yao kwa weledi hasa katika kuhakikisha ujenzi  na usimamizi wa miradi ya vituo vya Afya unatekelezwa, utoaji wa elimu kwa umma kuhusu mambo mbalimbali ya afya na utoaji wa huduma za afya kwa uweledi

Israel amewataka wataalam kutoka Idara hiyo kuhakikisha wanaendelea kutekeleza majukumu yao kwa ufanisi zaidi ili kuleta matokeo chanya katika Idara na taasisi

Akisoma taarifa ya Idara hiyo Kaimu Mganga Mkuu John Semkuya amesema kuwa Idara imefanikiwa kutoa elimu ya magonjwa yasiyoambukiza  kwenye vituo vya kutolewa huduma  na jumla ya watu 12,025 walipatiwa huduma na pia jumla ya watoto 139,540 sawa na asilimia 112.4%  wamepatiwa chanjo hiyo Surua Rubela.

Na katika masuala ya Ustawi wa jamii jumla ya wazee 115 kati yao KE 48, ME 67 wametambuliwa toka Kata 14 za Manispaa na kupatiwa vitambulisho vya msamaha wa matibabu

Jumla ya Kesi 27 za ukatili wa watoto katika madawati ya jinsia na migogoro 351 imeshughulikiwa ambapo 289 imesuluhishwa,migogoro 45 bado inaendelea kushughulikiwa, migogoro 9 imerudishwa ngazi ya jamii,migogoro 11 imepelekwa mahakamani,na maombi 4 yakupima DNA yameshugulikiwa

Na katika lishe  jumla ya Shule za Msingi na Sekondari 249 kati ya Shule za msingi na sekondari 257 walitoa chakula kwa wanafunzi sawa na 96.89%

Jumla ya wazazi /walezi 42,770 kati ya 42,770 walipatiwa elimu ya lishe sawa na asilimia 100%

Aidha, katika upande wa Afya na Mazingira elimu kwa jamii kuhusu masuala ya Afya imetolewa kuzingatia usafi wa vyoo,binafsi ,maji na uhifadhi salama wa vyakula kupitia watoa huduma ngazi ya jamii katika maeneo ya mikusanyiko hasa katika  masoko yote 13, vituo vya mabasi 7,mashuleni na Kaya 142,021 zilizo kwenye Mazingira hatarishi