BODI YA AFYA UBUNGO YAPONGEZA WATAALAM WA AFYA NA KUTOA MAAGIZO YAKUBORESHA NYANJA MBALIMBALI

Posted on: May 29th, 2025

Mapema tarehe 29/5/2025 Kikao Cha Bodi ya afya Manispaa ya Ubungo kimefanyika na kujadili taarifa ya robo ya tatu kwa kipindi cha mwaka wa Fedha 2024/2025  ambapo wajumbe hao wameweza kupitia utekelezaji wa shughuli mbalimbali za Idara ya afya, lishe na ustawi wa jamii Manispaa ya Ubungo na kutoa maagizo mbalimbali na kupongeza utoaji mzuri wa huduma za afya unaofanywa na watumishi wa idara hiyo katika vituo.

Katika kikao hicho Wajumbe wa bodi  wamesisitiza katika suala la chakula mashuleni  kuendelea kusimamiwa vyema na kuhakikisha wanafunzi wanapata chakula wanapokuwa mashuleni na kupongeza kwa hatua nzuri ya zoezi hilo linavyoendelea ambapo mpaka sasa ni sawa na 97.75 % katika Shule 308 za Sekondari na msingi zilizopo katika Wilaya ya Ubungo wanapata huduma ya chakula.

Na pia wajumbe wamepongeza utolewaji mzuri wa elimu kwa mama wajawazito katika kutatua changamoto ya vifo ya vya mama wajawazito kwa kuwapa madini chuma ambapo jumla ya wakina mama 39,931 kati ya ya 40,136 walihudhuria kliniki na walipatiwa vidonge hivyo  ambapo ni sawa na 99.49% kwa robo ya tatu

Vilevile, Wajumbe waliendelea kuwapongeza wataalam kwa kuendelea kutatua changamoto mbalimbali katika Idara hiyo ikiwemo utoaji wa vitambulisho vya msamaha wa matibabu kwa wazee, migogoro ya ndoa , usuluhishi wa kesi za watoto kwenye madawati ya jinsia , kushughulikia mashauri 195 ya matunzo ya watoto  ambapo migogoro 93 imetatuliwa na migogoro 95 inaendelea kushughulikiwa

Na katika upande wa vifo vya mama na mtoto wajumbe wamewataka wataalam wa afya kuhakikisha wanakabiliana na changamoto hiyo kwa kuongeza elimu kwa wajawazito kuhudhuria klinii na wanapoona dalili za kutaka kujifungua kufika vituoni mapema waweze kupata huduma 

Aidha, Mganga Mkuu Manispaa ya Ubungo Dkt. Alistides Raphael ameshukuru wajumbe wa bodi kwa pongezi walizotoa katika nyanja mbalimbali na kupokea  ushauri na maagizo waliyoyatoa na kuahidi changamoto zilizoonekana zinaenda kufanyiwa kazi kwa haraka