CLINIKI TEMBEZI YA UPIMAJI WA KIFUA KIKUU BURE UBUNGO, 29 WABAINIKA

Posted on: November 1st, 2023

Katika kuhakikisha Mpango wa Taifa wa  kutokomeza Kifua kikuu na ukoma,  Manispaa ya Ubungo kwa kushirikiana na Amref Afya shirikishi inaendesha zoezi la upimaji na utambuzi wa kifua kikuu katika Manispaa hiyo kupitia Klinik Tembezi lengo ikiwa ni kuwasogezea karibu huduma wananchi

Zoezi hilo linalofanyika kwa muda wa siku 4 lilianza oktoba 30,2023 katika kituo kikuu cha mabasi cha magufuli na litamalizika novemba 2, 2023 katika soko la ndizi Mabibo ambapo hadi sasa jumla ya watu 329 wamepimwa na kati ya hao 29 wamegundulika na TB na wameanzishiwa huduma ya matibabu

Mratibu wa zoezi hilo Dkt Sophia Kisoma ni mratibu wa Kifua kikuu na Ukoma katika Hospitali ya Sinza  Palestina, amesema kuwa mwitikio wa wananchi wa kutaka kupima Ugonjwa huo ni mzuri na wale wanaopatikana na ugonjwa wanaanzishiwa matibabu haraka sana.

Dkt Kisoma anasema "Mgonjwa anayepatikana na Kifua kikuu tunakaa nae muda mrefu ambapo muda wa chini kabisa ni miezi sita kwa maana ya matibabu lakini wengine wanapata matiba mpaka miaka miwili hivyo tunapenda watu wawe na utamaduni wa kucheki afya zao mara kwa mara ili kupata matibabu mapema"

Aidha, Dkt Kisoma anaeleza kuwa ugonjwa  wa Kifua kikuu unasambaa kwa njia ya hewa na upimaji wake unafanyika kwa kufanya uchunguzi kwa njia ya mionzi (x-ray) na  kupima sampuli ya mahohozi kwenye machine ya kupima vina saba ambapo katiza zoezi hili vipimo ni bure , hivyo wananchi wajitokeze kupata huduma hiyo.

Aliendelea kusema kuwa Manispaa ya Ubungo kupitia watoa huduma ngazi ya jamii imeendelea kutoa elimu kwa wananchi juu ya Ugonjwa huu na wagonjwa waliopatikana na mambukizi wamekuwa wakipelekwa kwenye vituo ambavyo viko karibu makazi yao ili wapate huduma kwa urahisi

Mtoa huduma ngazi ya jamii Ndg.Dickson Abdallah alisema kuwa katika kuhakikisha wananchi wanapata elimu kuhusiana na Kifua kikuu huwa tunatembelea  wananchi mtaani na kuwapa elimu na huduma ya upimaji bure na baada ya  upimaji huwa wanawapeleka hospitali au kituo cha afya kwa ajili ya kuanza kupatiwa dawa kwa wale wanakutwa na ugonjwa huo

Pichani ni wananchi waliojitokeza kupata huduma ya upimaji wa kifua kikuu katika Clinik tembezi