"CONDOM SPENSER" 500 ZAFUNGWA KWENYE MAENEO MBALIMBALI KUKABILIANA NA MAAMBUKIZI YA UKIMWI UBUNGO

Posted on: December 14th, 2020

Mratibu wa UKIMWI Manispaa ya Ubungo Mercy Ndekeno leo ameendesha  zoezi la ufungaji wa kondom Dispenser katika ofisi za Kata, vyoo 30 vya jengo la utawala la Manispaa ya Ubungo, zahanati na maeneo hatarishi kama vituo vya daladala,nyumba za kulala wageni na katika vituo vya bodaboda

Lengo la kufunga kondom dispenser hizo katika  vyoo na maeneo hatarishi ni kupunguza maambukizi ya UKIMWI

Wakati akiendelea kuelezea Ndekeno alisema kuwa Kondom dispenser zilizopokelewa ni 500 , na zimetolewa na Tume ya kudhibiti UKIMWI Tanzania (TACAIDS)

Aidha Ndekeno alisema kuwa Katika kila dispenser inauwezo wa kukaa kondom 400 ambazo zitakuwa zinajazwa kila zinapokua zimekwisha ili kuweza kusaidia kupunguza maambuzi ya UKIMWI kuendelea.

Sambamba na hayo ameendelea kueleza kuwa kwa kitaifa kiwango cha maambukizi  ya VVU yamepungua na kufikia asilimia 4.7% kwa takwimu za mwaka 2016-2017 ambazo zinatumika mpaka sasa na kwa wilaya ya ubungo hadi sasa kutoka 2019 kuna 2.54%.

Ifahamike kuwa Kondom hizo zitakuwa zinapatikana bure kutoka MSD bila ya gharama yoyote na hii imefanywa hivyo ili kupunguza maambukizi ya VVU.