CRDB WAMKARIBISHA DC MSANDO KWA KUTOA MADAWATI 30 NA VIFAA VYA MICHEZO

Posted on: May 22nd, 2025

Benki ya CRDB mapema  Mei 22, 2025 imekabidhi kwa Mkuu wa wilaya ya Ubungo Mh. Albert Msando jumla ya Madawati 30 pamoja na vifaa vya michezo kwaajili ya mashindano ya Umoja wa Michezo na Taaluma shule za Msingi Tanzania (UMITASHUMTA).

Meneja wa CRDB Kanda ya Dar es salaam Muhumuliza Buberwa amesema lengo ni kumkaribisha Mh. Msando katika Wilaya ya Ubungo na kushukuru ushirikiano wanaoupata wao kama taasisi ya kifedha katika wilaya hii.

"Lakini muhimu ni kuhakikisha tunaendeleza azma yetu ya kurudisha kwa jamii, kupitia taasisi yetu ya CRDB Foundation tunarudisha sehemu ya faida tunayoipata kwa jamii" Amesema Bw Buberwa

Pamoja na mambo mengine wamekabidhi Madawati 30 yatakayotumika katika shule ya Sekondari Goba Kulangwa, Pia wamekabidhi Jezi za Netball seti 2, Football seti 2, Track suit 7 za viongozi 7, Mipira Miwili Miwili ya Netball, Volleyball na handball.

Aidha pia wamekabidhi Tack suit 120, T - sht za walimu wa Michezo 20, Tracksuit za wanafunzi na kofia 120

Kwa upande wake Mkuu wa Wilaya Mh. Albert Msando amewahakikishia CRDB kuendeleza ushirikiano huo kwani wamekuwa wadau wa maendeleo kwa muda mrefu na ni ushirikiano ambao ni salama na hauvunji sheria.

Aidha amewataka kukaa upya Mezani na Kuja na Mkakati wa pamoja wa kuinua makundi mbalimbali katika jamii ikiwemo Wakandarasi wanaokwama katika kukamilisha miradi kutokana na kukosa sifa za kupata mikopo.