DC BOMBOKO AINISHA MAMBO SITA YA UELEKEO WA WILAYA YA UBUNGO

Posted on: April 3rd, 2024

"Ninatoa rai ya kuwa na uongozi jumuishi ndani ya wilaya yetu ya Ubungo huku tukizingatia uadilifu na uwajibikaji, uzalendo na uungwana, uwajibikaji na uchapakazi, usimamizi na ufuatiliaji, weledi na ubunifu pamoja na umahiri na uwekezaji"

Hayo yamesemwa  April 3, 2024 na mkuu wa wilaya ya Ubungo Mhe. Hassan Bomboko alipokua akiongea na watumishi wa Manispaa ya Ubungo katika ukumbi wa Noble uliopo Kimara mwisho

Kikao hicho kimekua ni kikao cha kwanza DC Bomboko kukutana na watumishi wa Manispaa ya Ubungo toka kuhamishiwa kwake wilaya ya Ubungo ambapo kimekua ni maalumu kwaajili ya kujitambulisha, kusikiliza kero pamoja kueleza vipaumbele vya uongozi wake

Aidha pamoja na kusikiliza kero za watumishi hao, DC Bomboko amewapongeza watumishi hao kwa kazi nzuri wanayoifanya ya kuwahudumia wananchi wa wilaya ya Ubungo kwa weledi mkubwa

Sambamba na hilo, DC Bomboko ameweka wazi kuwa uongozi wake pia utajikita zaidi kwenye kusikiliza kero, Kusimamia miradi ya maendeleo, kusimamia ukusanyaji wa mapato ya Halmashauri pamoja na kuimarisha huduma za jamii kwa umma