DC BOMBOKO ATATUA KERO ZA WAFANYABIASHARA KATIKA MASOKO

Posted on: August 16th, 2024

Ikiwa ni muendelezo wa ziara ya Mkuu wa Wilaya ya Ubungo katika masoko Mhe. Hassan Bomboko ametembelea soko la manzese midizini na Muungano soko la kuku na kuongea na wafanyabiashara wa soko hilo na kuwataka kufanya bishara kwa amani na kero ambazo wameziwasilisha ikiwemo kero ya uboreshaji wa miundombinu, mifereji ya maji taka na changamoto ya uchafu sokoni hapo zinaenda kufanyiwa kazi na kutatuliwa kwa haraka

DC Bomboko, ameagiza Dawasa kufanyia kazi changamoto ya maji katika vyoo vya soko la kuku manzese na kuwaagiza watekeleze haraka kwa kuweka maji ili kuweka safi Mazingira ya soko

Ziara hiyo imefanyika  tarehe 16 agosti, 2024 ambapo Dc Bomboko amevunja uongozi wa soko la kuku la midizini yaliyopo Manzese na  ameagiza kuundwa kwa  kamati ndogo ambayo itahusika katika kufanya mkutano sokoni hapo  kesho na  wafanyabiashara wote wa soko  ili kuchagua viongozi wa masoko wa muda kusubiri uchaguzi utakaofanyika siku zijazo

Aidha alipotembelea Katika soko la kapera lililopo Makurumla  DC Bomboko amesema kuwa  Mhe. Rais wa jamuhuri ya Muungano wa Tanzania ametenga fedha kiasi Cha shilingi milioni 200 ambazo Manispaa ya Ubungo imepata hivyo ameagiza ifanyike tathimini katika soko hilo katika maeneo yote korofi ili kukarabatiwe ikiwemo mapaa, kuweka sakafu na mitaro ya maji taka katika soko hilo

Na pia Katika soko la Kagera lililopo Kata ya Makurumla Dc Bomboko amesema kuwa marekebisho yataenda kufanyika sokoni hapo ili liwe soko la kisasa na Halmashauri itaenda kusimamia.

Na pia Dc Bomboko ametembelea katika soko la Sinza na kutatua kero ya wafanyabiashara sokoni hapo