DC KHERI ATETA NA WENYEVITI WA MITAA

Posted on: August 11th, 2021

Mkuu wa Wilaya ya Ubungo Mheshimiwa Kheri James amewataka wenyeviti wa Serikali za Mitaa katika Wilaya hiyo kutekeleza majukumu yao kikamilifu Kwa kusimamia shughuli zote za maendeleo katika maeneo yao

Kheri amewaeleza Viongozi hao leo Agosti 11,2021 kwenye kikao kazi kilicholenga kukumbudhana majukumu ya usimamizi wa shughuli mbalimbali za Maendeleo ikiwemo ukusanyaji wa Mapato, usimamizi wa miradi  na usafi wa Mazingira.

"Simamieni sheria kanuni na taratibu Kwa kujiamini kwani mumeaminiwa na Serikali na  wananchi takelezeni wajibu wenu Mimi Niko pamoja nanyi" amewaeleza DC Kheri.

Kheri amewasisitiza  Viongozi hao  kusimamia mwongozo wa Serikali wa namna ya kujikinga na ugonjwa wa korona ikiwemo kunawa mikono  na maji tiririka, kuvaa barakoa, kuepuka misongamano na kuchoma chanjo ambayo inatolewa kwa hiari katika vituo vilivyoainishwa

Aidha, Kheri alitumia kikao hicho kuwaeleza Viongozi hao juu ya ujio wa Mwenge wa Uhuru katika Wilaya hiyo tarehe 19 mwezi huu na kuwataka kuhamasisha wananchi wao kushiriki kwenye Mwenge huo utakaozindua, kukagua , kutembelea na kuweka nawe ya Msingi kwenye miradi yenye thamani ya shilingi bilioni 79.07.