DC KOMBA AKABIDHIWA KOMPYUTA KUTOKA MTAA WA KIBANGU, AMPONGEZA MWENYEKITI KWA KUWA WA KWANZA

Posted on: September 16th, 2023

Mapema Septemba 16, 2023 mkuu wa wilaya ya Ubungo Mhe. Hashim Komba amekabidhiwa Kompyuta moja na mwenyekiti wa mtaa wa Kibangu kata ya Makuburi ili itumike katika zoezi la urasimishaji ardhi

Kompyuta hiyo iliyokabidhiwa itatumika mahususi katika kurahisisha na kuharakisha zoezi zima la urasimishaji ardhi ambalo linatarajiwa kuanza hivi karibuni kwa wilaya nzima ya Ubungo hivi karibuni

Mwenyekiti wa Kibangu Ndg. Ishengoma amekabidhi kompyuta hiyo kufanyia kazi wito ambao ulitolewa na DC Komba la kuomba ofisi za serikali za mitaa zichangie Kompyuta 10 ambazo zitaenda kutumiwa na wataalamu wa ardhi watakaoongoza zoezi hilo la urasimishaji

Akiongea baada ya kukabidhiwa kompyuta DC Komba ameipongeza ofisi ya serikali ya Mtaa Kibangu Ndg, ishengoma kwakuwa mtaa wa kwanza kufanikisha upatikanaji wa kifaa hicho

"Nawapongeza sana Mtaa wa Kibangu kwa kuwa wa kwanza, na ninairudisha komputa hii itumike hapa hapa katika mtaa huu ili zoezi katika mtaa wa Kibangu liwe rahisi zaidi. Na nitoe rai kwa wenyeviti wengine kuiga mfano wa mtaa huu ili kukamilisha kompyuta zote 10" alisema

Zoezi la urasimishaji ardhi linatarajiwa kuanza kufanyika hivi karibuni ambapo changamoto zote za malipo zilizojitokeza katika mazoezi yaliyopita zitazingatiwa katika zoezi hili

Dc Komba akiteta jambo  na mwenyekiti wa mtaa wa Makubuli