DC KOMBA ATEMBELEA WAFANYABIASHARA MASOKONI, ATOA MAAGIZO

Posted on: November 21st, 2023

Mkuu wa Wilaya ya Ubungo  Mheshimiwa Hashim Komba leo tarehe 21 novemba, 2023 ametembelea soko la Njia panda ya Goba na soko la kwa beda na kuongea na wafanyabiashara waliopo katika masoko hayo ili  kujua changamoto mbalimbali  wanazokabiliana nazo na kuzitatua.

Akizungumza na wafanyabiashara wa soko la njia panda ya Goba Komba,

Alimuagiza Afisa biashara kuhakikisha anajenga utamaduni wa kutembelea masoko mara kwa mara ili kujua changamoto zilizopo katika masoko na kuzitatua ili kuepusha migogoro katika masoko hayo baada ya wafanyabiashara wa soko hilo kulalamikia uchafu uliopo sokoni pamoja na miundombinu ya soko kutoboreshwa.

Komba aliendelea kueleza kuwa, Meneja anajukumu la kusimamia  amani inakuwepo katika soko hivyo alimuagiza afisa biashara kufanya uchaguzi wa  viongozi wa masoko na uchaguzi huo ufanyike haraka kwani waliopo ni viongozi wa muda mrefu ivyo muda wao umekwisha.

Komba, aliendelea kumuagiza Afisa biashara kuwasilisha taarifa za mapato na matumizi katika soko la njia panda ya Goba kwa kipindi cha miaka miwili zinazohusu makusanyo na matumizi na taarifa hiyo aipate ndani ya siku 7 kabla ajarudi sokoni hapo

Aidha, baada ya wafanyabiashara kuwasilisha changamoto ya uwepo wa vizimba visivyotumika na  kuna wafanyabiashara wenye uhitaji wa vizimba hivyo, Dc Komba ameagiza pia vizimba hivyo ambavyo viko wazi katika soko la Njia panda ya Goba vigaiwe kwa  wafanya biashara wanaohitaji vizimba kama wahusika wenye vizimba hivyo hawatavitumia  kufanyabiashara kwa muda wa siku 7 kuanzia leo

Katika kutatua changamoto ya  uhitaji wa maboresho ya miundombinu ya  soko la kwa beda iliyowasilishwa na wafanyabiashara wa soko hilo  komba,amesisitiza katika siku 14 ambazo uongozi wa Halmashauri umeahidi utafanya maboresho ya soko hilo ikiwemo ujenzi wa mifereji ya  kupitisha maji pamoja na kituo cha daladala yafanyike ndani ya siku hizo kabla ya kurudi sokoni hapo.

Nae mmoja wa wafanyabishara Amina amemshukuru Mhe.Mkuu wa Wilaya kwa kwenda kusikiliza kero zao na kupongeza juhudi zinazotekelezwa na Serikali katika kuhakikisha ujenzi wa  miundombinu bora ya masoko kwa wajasiriamali wadogo unatekelezwa.