DC KOMBA ATEMBELEA WAHANGA WA MVUA MTAA WA MBEZI LUIS

Posted on: November 18th, 2023

Mapema  Novemba 18, 2023 Mkuu wa Wilaya ya Ubungo Mhe. Hashim Komba ametembelea mtaa wa Mbezi Luis ambapo kuna wahanga wa mvua kubwa inayoendelea kunyesha katika mkoa wa Dar Es Salaam

Pamoja na kuwatembelea na kuwapa pole, DC Komba ameendelea kusisitiza wananchi wa maeneo hayo na maeneo mengine ndani ya wilaya ya Ubungo kuendelee kuchukua tahadhari dhidi ya mvua zinazoendelea kunyesha sambamba na kumuomba mwenyezi Mungu kutuepusha na mvua zenye madhara

Aidha, DC Komba amemuagiza Afisa Taarafa wa tarafa ya Kibamba Beatrice Mbawala kuhakikisha siku ya Jumatatu Novemba 20, 2023 kuzitembelea familia tano zilizoathirika zaidi kwa kuwaletea mahitaji muhimu ikiwemo chakula 

Tayari DC Komba ameshawaagiza TARURA kwenda katika mtaa huo na kufanya tathmini ya kitaalamu kwenye kivuko kilichopo kuona namna ya kuweka suluhisho la kudumu ili kusitokee madhara zaidi