DC TWANGE ASIKILIZA NA KUTATUA KERO ZA WANANCHI WA MPIJI MAGOHE .

Posted on: February 14th, 2025

Mkuu wa Wilaya ya Ubungo Mh. Lazaro Jacob Twange amewaondoa hofu Wananchi wa Mpiji Magohe kuhusiana na Changamoto mbalimbali zinazo wakabili ikiwa ni pamoja na Ukosefu wa Maji, Changamoto ya Barabara, Upungufu wa Madarasa na Madawati katika Shule ya Msingi Kibesa , pamoja na Ukosefu wa Kituo Cha Polisi Mpiji Magohe.

DC Twange amewatoa hofu hiyo leo Februari 14, 2025 alipofanya mkutano wa hadhara katika mtaa wa Mpiji Magohe - Kibesa alipokutana nao kwaajili ya kusikiliza na kutatua changamoto mbalimbali zinazowakumba.

“Poleni sana Wananchi wa Mpiji Magohe maji ni muhimu na Serikali ya Awamu ya sita lengo lake kubwa ni kumtua mama ndoo kichwani".

Kwa upande wake Meneja wa Maji Mwabwepande anaehudumia eneo la Kibesa Ndg. Haruna Taratibu alikiri kuwepo kwa changamoto hiyo ya Maji na kwamba shida kubwa ipo katika shina namba moja lakini wameanza Kushugulikia.

Aidha, alisema "Maji hayo, Tanki  lipo eneo la Malolo na baadhi ya Mashina tayari wanapata Maji kuna Maboresho madogo madogo tayari wameshawasiliana na Makao Makuu taratibu zinaendelea"

Kuhusu changamoto ya barabara,  Afisa Usajili na Lesseni Kutoka Latra ndg. Kherry Saadallah  amewaondoa hofu Wananchi wa Mpiji Magohe na kuwahakikishia kuwa suala la Usafiri katika eneo hilo lipo hatua za mwisho kulishugulikia, litakapo kamilika watatoa taarifa kwa wamiliki wa Vyombo vya Moto (Daladala) kufika katika maeneo hayo ambayo yana kabiliwa na Changamoto Hiyo