DMDP AWAMU YA PILI KUJENGA KILOMITA 41 ZA LAMI WILAYA YA UBUNGO

Posted on: June 13th, 2023

Mapema leo Juni 13, 2023 waratibu wa mradi wa mradi wa uendelezaji wa mkoa wa Dar es Salaam (DMDP) wamefanya kikao kazi na baraza la madiwani pamoja na wataalamu wa Manispaa ya Ubungo juu ya mradi wa ujenzi wa Miundombinu unaotarajiwa kuanza kutekelezwa April 2024

Kikao hicho kimefanyika katika ukumbi wa Halmashauri ya Manispaa ya Ubungo ambapo Mtaalam wa Mazingira na Masuala ya Kijamii - Kitengo cha Uratibu wa Miradi ya Mkopo nafuu ya World Bank Ndg. Agness A Kishenyi amesema kuwa mradi wa DMDP awamu ya pili utagharimu Dola za kimarekani Milioni 350 na mradi rasmi unatarajiwa kuanza kutekelezwa mwezi Aprili 2024 baada ya kukamilika kwa tathmini ya jumla ya miradi

Kwa Manispaa ya Ubungo mradi huo kwa awamu ya kwanza unatarajia kujenga KM 41 kwa kiwango cha lami ambapo barabara ya Msumi imetengewa KM 8.21, barabara ya Suca KM 6.1, barabara ya Makoka KM 3.51, barabara ya Goba Wakorea KM 5, barabara ya Malamba King'azi KM 2, barabara ya Konoike KM 1, barabara ya Posta Matembe KM 0.83, barabara ya Sheikh Bofu KM 1.13, barabara ya Segesera KM 0.41, barabara ya Sinza Lion KM 0.84, barabara ya Sigara KM 0.45, barabara ya Mbegani KM 0.65, barabara ya Namnani KM 0.27, barabara ya Chimwaga KM 0.33, barabara ya Shule KM 0.28, barabara ya Mikindani KM 0.73, Barabara ya Ubungo NHC KM 1.3, barabara ya Milenia Tatu KM 2.88, barabara ya Hondogo Shija KM 4.2, na barabara ya Beda Amoury KM 1

Wakichangia taarifa hiyo waheshimiwa Madiwani wa Manispaa ya Ubungo wameipongeza serikali kwa kufanikisha mradi huo pia wametoa michango ya maboresho ikiwemo kugawanya idadi ya kilomita kwa kata husika kulingana na mahitaji halisia ya kata hizo

Akichangia mada diwani wa kata ya Goba Mhe. Esther Ndoha amesema "Kwa Manispaa ya Ubungo mahitaji ya miundombinu bado ni mkubwa hivyo basi kwa kata zilizopata ni vema kuzigawanya kidogo kidogo kwa maeneo yenye uhitaji mkubwa ili kutatua changamoto za maeneo yote korofi" alisema

Nae mbunge wa jimbo la Ubungo Mhe. Prf. Kitila Mkumbo amewapongeza waheshimiwa madiwani wote kwa jinsi wanavyosemea changamoto za kata zao na pia amewaomba kutoa ushirikiano mkubwa kwenye utekelezaji wa mradi