DUGANGE ASISITIZA UKUSANYAJI WA MAPATO KWENYE VITUO VYA KUTOLEA HUDUMA ZA AFYA

Posted on: November 24th, 2021

Naibu Waziri Ofisi ya Rais, Tawala za Mikoa na Serikali za Mitaa, (TAMISEMI) Mhe. Festo Dugange, anayeshughulikia Afya amewaagiza waganga wafawidhi wa vituo vya kutolea huduma za afya kuongeza Kasi ya ukusanyaji wa mapato ili kupunguza utegemezi wa kifedha kutoka Serikali kuu Kwa ajili ya kununua dawa, vifaa tiba na vitendanishi.

Naibu waziri ametoa maelekezo hayo Novemba 24,2021 wakati alipofanya ziara ya kikazi ya kujionea utoaji wa huduma kwenye kituo cha afya Sinza na kufuatia malalamiko ya wananchi juu ya utoaji wa huduma  usioridhisha.

Dugange  amesema Kwa upande wa afya  Serikali imejipanga kuhakikisha  upatikanaji huduma bora unakuwa Kwa kiwango cha juu ikiwemo Uwepo wa dawa za kutosha vituoni

Kutokana na umuhimu huo, Dugange amekielekeza kituo cha afya Sinza kuhakikisha ifikapo tarehe 30 mwezi desemba, 2021 kituo kiwe na uwezo wa kukusanya milioni 5 Kwa siku badala ya milioni 3 Hadi 4.5 inayokusanywa kwa  sasa.

Aidha, amewataka watumishi kufanya kazi Kwa kuzingatia maadili ikiwemo kutojihusisha na vitendo vya rushwa na kuwa na lugha mbaya kwa wateja badala yake watumie  lugha nzuri Kwa wagonjwa