ELIMU YA LISHE INAHITAJIKA KUKABILIANA NA TATIZO LA UTAPIAMLO

Posted on: December 7th, 2020

Kamati ya lishe  ya Manispaa ya Ubungo Leo imefanya kikao cha kupokea na kujadili taarifa ya utekelezaji ya masuala ya lishe ambapo tatizo la utapiamlo Kwa watoto limeonekana kujitokeza kwa kiasi kikubwa.

Akitoa taarifa ya Hali ya lishe Kwa Manispaa ya Ubungo, Afisa lishe  bi  Beatrice amesema utapiamlo bado ni changamoto kwani kata nyingi zina watoto ambao wanautapiamlo mkali na wa kadiri  ambapo kata ya kwembe inaongoza Kwa kuwa na watoto wengi wenye utapiamlo.

Beatrice ameeleza kuwa kutokana na changamoto hiyo Manispaa kupitia idara ya Afya imeendelea kutoa Elimu ya lishe Bora Kwa watoto na wajawazito ili kupunguza ukubwa wa tatizo

Beatrice amesema kuwa Manispaa  pia inaendelea kutoa Elimu kwa jamii  kupitia  watoa huduma ngazi ya jamii pamoja na maafisa afya lengo ikiwa ni kuhakikisha tunakuwa na jamii yenye afya bora.

Aidha wajumbe wamekubaliana kuongeza juhudi za kutoa Elimu ya lishe Kwa jamii ili kukabiliana na tatizo la utapiamlo Kwa watoto kwani inaathiri ukuaji wao kimwili na kiakili.