ELIMU YA MATUMIZI YA MBOLEA YA MBOJI YATOLEWA KWA WAKULIMA

Posted on: June 12th, 2024

Wakulima waliopo Wilaya ya Ubungo kutoka katika Kata na Mitaa iliyopo katika Wilaya hiyo wamepatiwa mafunzo elekezi ya kuwajengea uelewa kuhusu umuhimu wa Mbolea ya mboji katika kilimo

Akiwakaribisha wakulima hao Mkuu wa Idara ya kilimo, mifugo na uvuvi Archie Mtambo amewataka wakulima  kusikiliza kwa makini umuhimu wa matumizi ya mbolea hiyo ambayo inafaida nyingi katika kilimo 

ikiwemo kuongeza uzalishaji 

Akitoa mafunzo hayo Mshauri wa masuala ya kilimo Dkt. Salehe Hija  amewaeleza umuhimu wa mafunzo hayo yenye lengo la Kuwawezesha wazalishaji kuelewa mbolea ya mboji umuhimu wake, kutumia kwa usahihi, kuongeza uzalishaji na kufanya kilimo endelevu kwa utunzaji wa Mazingira

Mafunzo hayo yametolewa  juni 12, 2024 katika ukumbi wa mikutano wa Manispaa ya Ubungo ambapo mwezeshaji amewapa elimu wakulima kuhusu matumizi sahihi ya Mbolea ya mboji kwa ajili ya kupata mazao kwa wingi

Aliendelea kwa kuwaelezea kuwa Mbolea hiyo ni salama kwa ajili ya matumizi ya shambani kwani haina kemikali 

Aidha, wakulima hao wamepatiwa elimu ya vitendo namna ya kuanza kuandaa eneo , kipimo Cha mbolea kinachohitajika na  kusambaza Mbolea hiyo katika shamba au eneo liloandaliwa  kwa ajili ya kupanda.

Sambamba na hayo Wakulima hao wameishukuru manispaa kwa kuendelea kuwathamini kwa kuwapa elimu mara kwa mara inayowawezesha kufanya kilimo mjini kwa ufasaha na kisasa zaidi