HALMASHAURI KUU CCM (W) UBUNGO YAFURAHISHWA NA UTEKELEZAJI WA MIRADI YA BOOST UBUNGO

Posted on: October 1st, 2023

“Ninawapongeza sana Viongozi na wataalamu wa Manispaa ya Ubungo hakika Fedha zilizotolewa na Mhe. Rais Dkt. Samia Suluhu Hassan kwa ajili ya utekelezaji wa miradi ya boost mmezitendea haki hakika miradi inavutia na ubora umezingatiwa”

Kauli hiyo imetolewa na Mwenezi wa CCM Wilaya ya Ubungo Mhe. Juma Kishanshu akiwa kwenye ziara ya iliyojumuisha Halmashauri Kuu ya Wilaya ya Ubungo CCM kwa lengo la kujionea namna utekelezaji wa Ilani ya CCM unavyosimamiwa na kutekelezwa ndani ya Manispaa ya Ubungo.

Utekelezaji wa mradi wa ujenzi wa Shule Mpya ya Msingi inayojengwa Mtaa wa Tegeta A ni moja ya mradi uliotembelewa na Wajumbe wa Halmashauri Kuu hiyo ikiwemo Shule Mpya Maalumu ya Sekondari ya wasichana ya sayansi ya Mkoa wa Dar es salaam, kituo cha mabasi cha Magufuli, kituo cha afya cha Goba, zahanati ya Mpigi Magohe, mradi wa ujenzi wa kivuko

Akitoa taarifa ya mradi Shule inayojengwa Tegeta A Mwalimu Mkuu wa Shule hiyo Mwl. Alistides S. Ntakire amesema Manispaa ya Ubungo ilipokea jumla ya shilingi milioni 475.3 kutoka Serikali kuu kupitia program ya Lipa kulingana na matokeo (EP4R - Boost) kwa ajili ya ujenzi wa Shule mpya ya Msingi yenye madarasa 14 ya elimu ya Msingi, Jengo la utawala, madarasa 2 ya elimu ya awali, matundu 18 ya vyoo ya elimu msingi na matundu 6 ya elimu ya awali pamoja na kichomea taka.

Sambamba na Fedha hizo Manispaa ya Ubungo kwa kutumia mapato yake ya ndani imeweza kuongeza kiasi cha shilingi milioni 90.8 kwa ajili ya ukamilishaji wa mradi huo ambao hadi sasa umekamilika kwa asilimia 95.

Akiongea Mhe. Esther Ndoha Diwani wa Kata hiyo amemshukuru Mhe. Rais kwa Fedha hizo ambapo kupitia mradi huu msongamano wa wanafunzi madarasani utapungua na kuongeza ufanisi wa tendo la ufundishaji na ujifunzaji lakini pia utawapunguzia wanafunzi umbali mrefu kufuata Shule zilizo mbali na makazi yao na hivyo kuimarisha usalama wa watoto na ustawi wao kwa ujumla.