HITIMISHO LA ZIARA YA RC CHALAMILA KATIKA JIMBO LA UBUNGO

Posted on: August 15th, 2024

Mkuu wa Mkoa wa Dar es Salaam Mheshimiwa Albert Chalamila amemaliza ziara yake Wilaya ya Ubungo kwa kutembelea  miradi iliyopo katika jimbo la Ubungo tarehe 14/8/2014 ambapo ameanza kwa kukagua ujenzi wa mashedi matatu na mifereji ya maji katika soko la ndizi Mabibo na kupongeza hatua za ujenzi wa mashedi hayo ambayo yamesaidia wafanyabiashara kufanyabishara katika  Mazingira safi

Akisoma taarifa ya soko hilo Afisa biashara Manispaa ya Ubungo Mary Mwakyosa amesema kuwa hali ya ukusanyaji wa mapato kwa mwaka wa fedha 2023/2024 jumla ya shilingi 822,400,685.00 zimekusanywa  na kwa mwaka wa fedha wa 2024/2025 soko hilo limepangiwa kukusanywa kiasi cha shilingi 1,306,800,000.00

Mwakyosi aliendelea kusema kuwa Mikakati ya Halmashauri  mpaka Sasa  pamoja na ujenzi wa mashedi, mifereji na barabara katika soko hilo Halmashauri ina mpango mkubwa wa maboresho katika soko hilo ikiwemo ujenzi kwa mashedi mengine kwa ufadhili  wa mradi wa  DMDP

Aidha, baada ya kusomwa kwa taarifa hiyo Chalamila amesema ameagiza Halmashauri kuhakikisha fedha zinazokusanywa kupitia soko hilo ziweze kuendelea  kufanya maboresho katika soko hilo

Pia Chalamila amewasisitiza wafanyabiashara sokoni hapo kulipa ushuru kwani fedha hizo zinaenda kufanya maendeleo kwa soko na kusaidia katika utekelezaji wa  miradi mbalimbali ya  Serikali

RC chalamila pia ametembelea Mradi wa barabara yenye urefu wa km 0.3  inayojengwa kwa gharama ya shilingi 528,120,005.92 ambapo mpaka Sasa umefikia asilimia 40 na kuwapongeza Tarura kwa ujenzi wa barabara hiyo inayoenda kuleta maendeleo katika Kata ya makuburi na wakazi wa maeneo hayo kwa kurahisisha na kutatua changamoto ya kuwa na  barabara korofi

Baada ya ziara Rc Chalamila akasikiliza kero za wananchi na kuzitatua  katika viwanja vya Shule ya Msingi Mabibo vilivyopo makuburi