KAMATI YA BUNGE TAMISEMI YATAKA GHARAMA NAFUU FREMU KITUO CHA KIBIASHARA AFRIKA MASHARIKI - UBUNGO(EACLC)

Posted on: November 11th, 2024

Kamati ya Kudumu ya Bunge ya Tawala za Mikoa na Serikali za Mitaa – TAMISEMI ikiongozwa na Mwenyekiti Mhe. Justin Lazaro Nyamoga,  Novemba 11, 2024 imemtaka Mwekezaji anaejenga mradi wa kituo cha kibiashara  cha Africa Mashariki Wilaya ya Ubungo jijini Dar es Salaam(EACLC) East Africa commercial and logistic Center  kilichopo ilipokuwa stendi ya mabasi ya Ubungo (ubungo bus terminal)  kuzingatia hali za watanzania hasa wafanyabiashara wadogo katika upangaji wa bei za upangishaji wa maduka katika kituo hicho

Kamati imetoa agizo hilo baada ya kutembelea na kujionea hali ya utekelezaji wa mradi huo mkubwa wa kibiashara Afrika Mashariki na kusema kuwa uwekezaji kama huu unalenga kunufaisha watanzania na mwekezaji hivyo kutoa fursa kwa wafanyabiashara wazawa kutafsiri kwa vitendo ukuzaji wa uchumi wa watu na nchi kwa ujumla.

“Namna pekee ya kurudisha mchango kwa jamii ya watanzania ni kuwa na bei nafuu za upangishaji wa maeneo ya vizimba katika vituo hiki badala kutaka faida kubwa kwa kuweka bei kubwa zinazolenga watu wenye kipato kikubwa” alisisitiza Nyamoga

Mhe. Nyamoga amesema kuwa “Tumeangalia uwekezaji wa mradi huu ni mzuri “tunasisitiza kuzingatia usalama wa wafanyakazi wakati wote wanapofanyakazi kwa maana ya vifaa vya usalama na vyoo safi na vya kutosheleza kulingana na idadi ya watu ili kuepusha mlipuko wa magonjwa na kuumia wawapo kazini, hivyo sheria zifuatwe”

Aidha, Mhe. Nyamoja ameipongeza Serikali kwa kukubali uwekezaji huo mkubwa wa kibiashara kwani unaonesha matarajio mapya katika ukuaji wa biashara hapa nchini kwani utachochea shughuli za kibiashara nchini na nchi jirani.

Akitoa maelezo mbele ya kamati hiyo, Mkurugenzi wa Manispaa ya Ubungo Ndg. Aron Kagurumjuli amesema kuwa,  Halmashauri hiyo ilipokea mradi wa uwekezaji wa Ujenzi wa Kituo cha Kibiashara Afrika Mashariki mwaka 2021 kutoka kwa iliyokuwa Jiji la Dar es Salaam katika eneo la iliyokuwa stendi ya mabasi ya Ubungo. "Mkataba wa awali wa uwekezaji ulisainiwa mwaka 2015 kati ya Jiji la Dares salaam na Mwekezaji Shanghai Linghang Group Limited