KAMATI YA KUDHIBITI UKIMWI MANISPAA YA UBUNGO YATEMBELEA MASHINE ZA KUHIFADHI MIPIRA YA KIUME NA KIKE (CONDOM) NA VIFAA VYA KUJIPIMA AFYA KATIKA ENEO LA UBUNGO RIVERSIDE

Posted on: April 15th, 2025

Katika ziara za ya tatu mwaka wa fedha 2024/2025, Kamati ya kudhibiti UKIMWI Manispaa ya Ubungo mapema  April 15, 2025 imefanya ziara maalumu ya kutembelea mradi maalumu wa mashine ya kuhifadhia mipira ya kiume na kike (KONDOMU) pamoja na vipimo vya VVU iliyopo katika eneo la Ubungo Riverside 

Ziara hiyo iliyoongozwa na kaimu mwenyekiti wa kamati hiyo diwani wa kata ya Mbezi Mhe. Ismail Malata pamoja na wajumbe wa kamati wamefurahishwa na mradi huo ambao lengo lake ni kupunguza maambukizi mapya ya virusi vya UKIMWI hasa kwa vijana rika balehe pamoja na makundi hatarishi ikiwemo makundi ya dada poa

Mradi huo ambao unasimamiwa na taasisi ya my service kwa kushirikiana na shirika lisilo la kiserikali la Management of Development For Health (MDH) ambapo wamekuwa wakitoa huduma ya vifaa hivyo huku taasisi ya my service ikiwa na jukumu la kuendesha mradi huo

"Mradi huu ni mzuri katika kuunga mkono jitihada za kukabiliana na maambukizi mapya ya VVU hivyo niwaombe taasisi ya my service pamoja na shirika la MDH kuhakikisha wanafunga mashine hizi kwenye sehemu nyingine zenye mikusanyiko kikubwa ya watu kama Mbezi mwisho, Manzese pamoja na Sinza

Nae mratibu Msaidizi wa mradi wa My service Bi. Tunukiwa Kasambali ameeleza mradi huo umechangia kwa kiasi kikubwa kwa wananchi kupima Afya zao pamoja na kujikinga Afya zao huku akiiomba serikali kuwapatia mikopo waathirika wote wa biashara za dada poa ambao kwa hiyari wameachana na kazi hizo na kuwa mabalozi wazuri katika jamii