KAMATI YA KUDHIBITI UKIMWI MANISPAA YA UBUNGO YATEMBELEA SHULE YA SEKONDARI MBURAHATI.

Posted on: April 25th, 2023

Wajumbe wa kamati ya kudhibiti UKIMWI manispaa ya Ubungo wametembelea shule ya sekondari mburahati ili kuonana na wanafunzi wa shule hiyo kwa lengo la kutoa elimu  kuhusu kupambana na kudhibiti UKIMWI

Aidha katika ziara hiyo, Wajumbe walisisitiza wanafunzi hao kuepukana na makundi mabaya sambamba na kuwa na maadili mema na kumtanguliza Mungu katika masomo yao pamoja na maisha ya kila siku

Ziara hiyo imefanyika leo tarehe 25/4/2023 ambapo Wanafunzi katika shule hiyo walionyesha maigizo pamoja na nyimbo ambazo zilitoa elimu kuhusu kupinga janga la UKIMWI

Nae, Salma Ahmad Mwakilishi wa wanafunzi katika klabu ya UKIMWI iliyoanzishwa shuleni hapo  alisoma risala fupi iliyoeleza juhudi za mafanikio ambayo  klabu hiyo imetekeleza katika kuhakikisha  wanafunzi wanaendelea kupewa elimu ya kupambana na kupinga maambukizi ya UKIMWI yanayoendelea