KAMATI YA UKIMWI YATEMBELEA TAASISI YA KULEA WAZEE

Posted on: January 27th, 2023

Kamati ya kudhibiti UKIMWI Manispaa ya Ubungo leo 27.01.2023 imefanya ziara ya kutembelea kituo cha kulea wazee kilichopo Njeteni kata ya Kwembe kinachoitwa TUSHIKAMANE PAMOJA FOUNDATION chenye wazee 10 kati yao wanaume ni 6 na wanawake ni wanne

Akisoma taarifa ya kituo Afisa ustawi Hellen Samwel amesema kuwa wazee wanaochukuliwa ni waliofika miaka 60 na kuendelea na kituo hicho kinauwezo wa kuhifadhi wazee 24 ambapo mpaka sasa wako 10

Aidha, Mwenyekiti wa kamati hiyo ambaye pia ni Naibu Meya Manispaa ya Ubungo Mhe. Yusuph Yenga amewapongeza viongozi waliojitolea katika foundation hiyo kuendelea na moyo huo huo wa kuwalea wazee hao

Yenga aliendelea kwa kuwaasa wajumbe kuhakikisha wanatembelea wahitaji hao kwa kuwapelekea mahitaji kadri mtu atakavyo barikiwa

Aliendelea kwa kusema kuwa Kama Halmashauri tutaendelea kuhakikisha wazee hao wanapata mahitaji yao kwa kushirikiana na maafisa ustawi

Wazee hawa wanapendeza na wanaonekana wanatunzwa vizuri. Alieleza hayo Yenga

Wajumbe wa kamati waliwashukuru walezi wa Kituo hicho na kuwapongeza na kuwaomba kuendelea kuwajali wazee hao