KAMATI YAPONGEZA HATUA NZURI YA MRADI WA UJENZI WA SHULE YA SEKONDARI UBUNGO NHC ULIPOFIKIA

Posted on: February 17th, 2025

Kamati ya Huduma za Uchumi, Afya na Elimu Manispaa ya Ubungo imefanya ziara katika Shule ya Sekondari ya Ubungo NHC na kupongeza hatua za mradi huo ulipofikia ambapo mpaka sasa ujenzi umekamilika kwa asilimia 75 na kumtaka mhandisi kuhakikisha mkandarasi anapokamilishiwa Fedha ili amalizie mradi huo kwa haraka

Ziara hiyo imefanyika februari 17,2025 ikiwa ni ziara ya robo ya pili kwa kipindi Cha oktoba hadi Disemba kwa  mwaka wa Fedha 2024/2025 ambapo wajumbe wa kamati hiyo wametembelea ujenzi wa vyumba 8  vya madarasa vinavyojengwa kwa mfumo wa ghorofa unaoendelea katika Shule hiyo na  mkandarasi wa mradi huo ni Sir Philton Company Limited ambapo ujenzi wake mpaka kukamilika utagharimu kiasi cha shilingi Milioni 409,374,800  na utakamiika tarehe 10/4/2025

Aidha, Mwenyekiti wa kamati hiyo Mhe. Kleruu Joseph amepongeza usimamizi mzuri wa mradi huo ulipofikia na kuagiza hatua  zilizobakia kuweza kufanya kwa haraka ili mkandarasi amalizie mradi huo.

Vilevile, wajumbe katika ziara hiyo  wametembelea katika kituo cha afya Makurumla na kutoa maagizo ya ujenzi unaendelea katika kituo hicho wa jengo la mama,baba na mtoto  ukamilike  ili huduma iendelee kutolewa