KAMPENI YA USAFI WA KILA MWISHO WA MWEZI WAFANYIKA SOKO LA MBEZI SHULE

Posted on: June 29th, 2024

Kama ilivyo tamaduni kila ifikapo jumamosi ya mwisho wa mwezi usafi kufanyika, tarehe 29/6/2024 kampeni ya usafi kiwilaya imefanyika katika Kata ya Mbezi eneo la Mbezi Luis (Soko la mbezi Shule)

Akizungumza na Wafanyabiashara wa soko hilo Diwani wa Kata ya Mbezi Mhe. Ismail Malata amewapongeza wafanyabiashara  waliojitokeza kufanya usafi katika maeneo yao ya biashara katika Soko hilo na kuwataka kuendeleza utamaduni huo siku zote kwa kuyafanya Mazingira kuwa safi na sio kusubiri ifikapo siku ya  usafi wa jumamosi ya mwisho wa mwezi

Malata aliendelea kuwaeleza umuhimu wa kutiii Sheria bila ya shuruti kwa wale ambao hawajatoka kufanya usafi na maeneo yao ni machafu.

Usafi sio jambo la hiari ni lazima ufanyike, Mazingira yakiwa safi yanashawishi wateja, tujifunze utamaduni wa kufanya usafi kila siku. Aliwaeleza Malata

Aidha, wafanyabiashara wa soko hilo wamemshukuru diwani kwa kuja kufanya usafi pamoja nao na kuahidi kuendelea kufanya usafi katika maeneo yao.