KAMPENI YA USAFI WA MWISHO WA MWEZI WAFANYIKA SHEKILANGO

Posted on: October 26th, 2024

Ikiwa ni jumamosi ya usafi wa kila mwisho wa Mwezi, Ubungo imeendeelea na  tamaduni ya kuhakikisha usafi unafanyika katika maeneo mbalimbali na oktoba 26,2024 usafi umefanyika katika Kata ya Ubungo eneo la Shekilango  hadi soko la Big brother

Wananchi wamejitokeza kufanya usafi katika maeneo yao pamoja na wafanyabiashara wa soko la big brother wamefanya usafi katika eneo zima  la soko 

Akizungumza na wananchi wa eneo hilo pamoja na wafanyabiashara wa soko la big brother Mkuu wa Kitengo cha Udhibiti wa Taka ngumu na usafi wa Mazingira  Manispaa ya Ubungo Lawi Bernad amewasisitiza kuhakikisha wanafanya usafi mara kwa mara na iwe ni desturi yao ya kila siku ili  kuwe na  mazingira safi na salama hasa katika  maeneo yao ya biashara

Kila mmoja anajukumu la kuamka asubuhi na kufanya usafi katika eneo lake iwe ni tamaduni kwa wote.amesisitiza Lawi