KATIBU TAWALA UBUNGO AISHUKURU RAIWAY CHILDREN AFRICA

Posted on: November 10th, 2023

Katibu Tawala Wilaya ya Ubungo Ndg Hassan Mkwawa ameishukuru taasisi ya Raiway children  Afrika kwa jitihada zao za kusaidia watoto wanaoishi na kufanya kazi mtaani kwa kutoa msaada wa kielimu na mitaji ya biashara kwa wazazi/Walezi wa watoto hao ikiwa ni mkakati wa kupunguza vitendo vya ukatili kwa watoto

Mkwawa ametoa shukrani hizo kwenye kikao kilichohusisha wadau wa taasisi hiyo na wataalamu wa ustawi wa jamii katika wilaya hiyo kilocholenga kutoa picha halisi ya ushirikiano  uliopo kati ya serikali na wadau hao katika kuhudumia watoto wanaoishi na kufanya kazi mtaani kwani tatizo hilo ongezeko la watoto wa mitaani  linaongezeka kwa kasi jijini humo.

Mkwawa ameeleza kuwa kutokana na  Ubungo kuwa  lango  la kuingia jijini Dar Es Salaam ikichagizwa na uwepo wa kituo cha mabasi cha Magufuli, Wilaya hiyo imeweka utaratibu wa utambuzi sahihi katika stendi hiyo kuwa msaada ikiwemo kuwarudisha nyumbaninkwao au kuwapeleka kwenye nyumba za makao ili kuwaepusha  watoto hao kwenda mtaani hali inayopelekea  kufanyiwa vitendo vya ukatili ikiwemo ulawiti na kufanyishwa kazi ngumu.

Tangu kuanzishwa kwa utaratibu wa kuwatambua watoto wanakuja mjini bila utaratibu katika kituo cha mabasi cha magufuli zaidi ya watoto 378 wametambuliwa wengine wamerudishwa nyumbani wengine wamepelekwa makao ambapo pamoja na kupatiwa elimu ya malezi lakini pia wanapata elimu ya ufundi wa fani mbalimbali zitakazowasaidia kujiajiri.

Aidha, Wilaya inalishukuru kanisa la KKKT usharika wa kimara kwa kusaidia kuchukua watoto wanaolala maeneo hatarishi ikiwemo daraja la Kijazi na hivyo kuwaepusha na vitendo hatarishi vya kikatili ambavyo vimekithiri katika jamii.

Akiainisha maeneo yanayochagiza watoto kuishi na kufanya kazi mitaani ni pamoja na uwepo wa taasisi ya QNET inayofanya biashara mtandaoni ambapo  kwa Wilaya hiyo ya Ubungo kuna vituo 14  vya taasisi hiyo na kazi yao ni wanashawishi wazazi wa watoto wanaowatafuta kwa mtandao wao  kutoka mikoani kutoa fedha kwa madai ya kuwapa ajira watoto wao.