KATIBU TAWALA WILAYA YA UBUNGO AITAKA HALMASHAURI YA MANISPAA YA UBUNGO KUHUSISHA WADAU KATIKA UPANGAJI WA BAJETI YA MASUALA YA LISHE

Posted on: December 21st, 2019

 Katibu tawala wilaya ya Ubungo Ndg. James Mkumbo wakati akifungua mafunzo ya uandaaji bajeti ya masuala ya lishe yaliyofanyika katika ukumbi uliopo ofisi za Mkuu wa Wilaya zilizopo Luguruni. Wakati akifungua kikao hicho Katibu Tawala alisisitiza kwa wajumbe wa kamati ya afya kutilia kipaumbele katika masuala ya lishe na kuhakikisha wanasimamia kwa umakini kwani ni swala nyeti na linalotakiwa kufanyiwa kazi kwa weledi.

Aidha amesema kwa mujibu wa tafiti ya lishe ya mwaka 2018 zinaonyesha kati  ya watoto 100 kati yao 32 wamedumaa yaani  hawana lishe bora, na hawawezi kufundishika na hata kuleta tija katika kuinua uchumi wa taifa na badala yake gharama kubwa hutumika kuwatunza. Pia alisisitiza kwa Kamati ya Amani ya Wilaya kushirikishwa katika mpango huu wa Lishe na kupewa elimu juu ya lishe  ipasavyo ili kuweza kusambaza ipasavyo na  kuzungumzia kuhusu lishe mashuleni, makanisani na hata  misikitini.  Aliongezea KatibuTawala.

Naomba nisisitize kuwa maafisa Mipango na makatibu wa Afya wahakikishe kuwa wanawahusisha moja kwa moja maafisa Lishe katika masuala mazima ya bajeti ya lishe na ubadilishaji wa matumizi ya vifungu vya fedha (reallocation) ili kuleta weledi. Alisema Katibu Tawala.

Aidha aliitaka Halmashauri kuhakikisha kuwa agenda ya lishe inakuwa ya kudumu katika vikao vyake. Vile vile ihakikishe inatenga Tsh. 1,000/= kwa kila mtoto katika bajeti ya maendeleo kama mwongozo wa serikali unavyosema.  Pamoja na hayo Halmashauri  imeshauri kuwahusisha wadau kwenye hatua za bajeti ya masuala ya lishe ili hatimaye wasaidie serikali iweze kufikia malengo yake. Baada ya kufungua mafunzo hayo Katibu Tawala alitaka kila idara kwa kushirikiana na taasisi mbali mbali kutilia mkazo suala la lishe kwani ni suala mtambuka kwa sababu linamhusu kila mtu.

Kaimu Mganga Mkuu wa Manispaa Dk. Telesphory Kyaruzi alimaliza kwa kumshukuru Ndg. Allan kutoka TAMISEMI kwa mafunzo aliyoyatoa, aidha aliwataka walioshiriki kuzingatia yale yote waliyoelekezwa na kuyafanyia kazi ili wanaUbungo wakawe na lishe bora kwa ajili ya kulitumikia Taifa.