KIKAO CHA KUJADILI UTEKELEZAJI WA MKATABA WA LISHE KWA KIPINDI CHA JANUARI - MARCHI CHAFANYIKA

Posted on: June 14th, 2024

Katika kuhakikisha lishe inaendelea kuwa ni suala mtambuka kwa jamii, Idara ya Afya, lishe na Ustawi wa jamii kupitia kitengo cha lishe wameendelea kutoa elimu kwa wajawazito, wazazi na walezi kuhusu umuhimu wa kuzingatia lishe kamili kwa watoto walio chini ya miaka 5

Hayo yameelezwa na afisa lishe Manispaa ya ubungo Beatrice Mossile wakati akisoma taarifa ya utekelezaji wa Mkataba wa lishe kwa kipindi cha miezi mitatu kuanzia Januari hadi Machi 2023/2024

Mossile aliendelea kueleza kuwa kwa kipindi hicho pia Ugawaji wa vidonge vya madini ya chuma kwa wajawazito umeweza kufanikiwa kutolewa katika vituo vya kutolea huduma za afya kwa asilimia 97 na  wajawazito wamefanikiwa kupatiwa vidonge hivyo

Jumla ya watoto 151 waligundulika na utapiamlo lakini wamefanikiwa kupatiwa matibabu na kati yao 6 wanaendelea kufatiliwa kwa ukaribu. Alieleza Mossile

Aliendelea kueleza kuwa katika kuhakikisha masuala ya usafi masokoni katika bar unaendelea kufanyika Idara ya Afya imeendelea kusimamia jambo hilo kwa ufasaha na zoezi hilo limekuwa likisimamiwa na Afisa Afya wa Manispaa

Nae, Mganga Mkuu manispaa ya  ubungo Dkt.Tulitweni Mwinuka  amesema kuwa Kamati imetoka na maazimio ikiwemo  kufanyia kazi  changamoto ambayo imeendelea kujitokeza  ya watoto kuzaliwa chini ya uzito unaotakiwa na kuahidi kufanyia kazi suala hilo.

Dkt.Tulitweni aliendelea kueleza kuwa kama ilivyo desturi zoezi la utoaji wa elimu kuendelea kutolewa hasa ikilenga kuelimisha jamii kuhusu kilimo cha mjini (kilimo cha kisasa)

Nae kaimu Mkurugenzi Kissa Mbila amewataka wajumbe wa kamati hiyo kuhakikisha changamoto iliyoonekana  na kupelekea kupata alama ya njano katika swala la watoto kuzaliwa na uzito mdogo iweze kufanyiwa kazi na kupata maksi sahihi.

Aidha, Mbilla pia amekabidhi vibao 66 vya kupima urefu wa watoto na mizani 18 kwa Mganga Mkuu wa Manispaa.