KIKAO KAZI CHA TATHMINI YA AFUA ZA LISHE KUANZIA JANUARI - MACHI 2023

Posted on: June 23rd, 2023

Kikao hicho kimefanyika leo tarehe 23/6/2023 kilicholenga kufanya tathmini ya lishe kwa robo ya tatu ya mwaka wa fedha 2022/2023 na imezingatia hali ya lishe katika ilani ya chama cha mapinduzi na viashiria vya mkataba wa lishe wa ngazi ya kata.

Akiwasilisha taarifa ya afua za lishe afisa Lishe manispaa ya Ubungo Beatrice Mossile alisema kuwa kwa kipindi cha januari mpaka machi mafanikio yamepatikana ikiwemo kuongezeka kwa  klabu za afya na lishe kwa 6.9% hii ni kutokana na mafunzo yaliyofanyika kwa walimu,  idadi ya wamama wanaonyonyesha maziwa ya mama kwa kipindi cha miezi 6 pekee imeongezeka kufikia 4.3% kutokana na elimu inayoendelea kutolewa katika vituo vya kutolea huduma za afya.

Aliendela kwa kusema kuwa mafunzo elekezi ya ulaji wa chakula unaofaa yametolewa sambamba na malezi na makuzi ya watoto wanaoanza shule za awali kwa walezi wa vituo vya day care 76 na kuwapa fomu maalum za kujaza za ulaji wa chakula shuleni watakazo wasilisha kila mwezi na pia mafunzo kwa walimu wa afya 65 kuhusu maswala ya afua za lishe yamefanyika.

Alielezea pia matarajio ya lishe pamoja na  kuendelea na upimaji wa hali ya lishe hasa kwa watoto chini ya miaka miwili na kusisitiza unyonyeshaji wa maziwa ya mama kwa watoto chini ya miezi sita, Watoa huduma ngazi ya jamii kuendelea kutoa huduma ya upimaji wa hali ya lishe kwa kutumia MUAC tapes katika shule za awali na nyumba kwa nyumba Kuendelea kuhamasisha chakula cha pamoja katika shule za awali,msingi na sekondari, kuendelea kushirikiana na wadau mbalimbali katika kutekeleza afua za lishe na Kuendelea kuhakikisha uwepo wa chakula dawa katika vituo vikubwa vya serikali

Pia aliongezea katika kuhakikisha wananchi wanakuwa na uelewa kuhusu lishe kutakuwa na  maadhimisho ya siku ya lishe na afya katika mitaa na kata ili wananchi wa wilaya ya ubungo waendelee kufahamu masuala ya ulaji unaofaa na afya bora

Akiongea katika kikao hicho Katibu tawala wilaya ya ubungo Mhe. Hassan Mkwawa amewapongeza watendaji wa kata kwa usimamizi mzuri wa maswala ya lishe katika ngazi ya kata

Aliendelea kwa kusisitiza na kuwaagiza kusimamia maswala ya lishe kwa uadilifu

PICHANI ni katibu tawala wilaya ya ubungo Mhe.Hassan Mkwawa(wa katikati) akiwa na kaimu mkurugenzi pamoja na kaimu mganga mkuu katika kikao cha tathimini ya lishe