KITUO CHA KULELEA WATOTO YATIMA HURUMA CHILDRENS HOME WATEMBELEWA NA KUPEWA SALAMU ZA SIKUKUU

Posted on: March 26th, 2024

Ofisi ya Taifa ya Ukaguzi  wa Hesabu za Serikali imetembela Kituo cha kulelea watoto yatima cha Huruma Children's Home kilichopo Goba katika Kata ya Goba na  kukabidhi vyakula na vifaa mbalimbali kwa ajili ya watoto hao kutumia shuleni pamoja na mifuko ya simenti 70 ya kusaidia katika ujenzi wa nyumba ya watoto wa kiume inayoendelea kujengwa katika Kituo hicho

Akisoma taarifa ya kituo leo tarehe 26 march, 2024 Mkurugenzi wa Kituo hicho Ndg. William Kitang'a alisema kuwa “kituo kilianza mwaka 2006 katika eneo la Ubungo Msewe na kilianza na watoto 16 na kati yao watoto 8 wakike na 8 wakiume”

Aliendelea kueleza kuwa mpaka Sasa Kituo kina watoto 41 kati yao wavulana 18 na wasichana 23 

Akiongea wakati wa kukabidhi Mkaguzi wa Hesabu za Serikali CAG Charles Kichere amempongeza msimamizi wa Kituo kwa kusimamia watoto hao ambao wamepata sehemu salama ya kulelewa na Mazingira ya Kituo hicho yako vizuri pamoja na huduma wanazoendelea kuwapa watoto hao

Ni desturi yetu kama ofisi ya ukaguzi kutembelea watoto katika vituo na kula nao lakina katika hicho Leo tumewaletea ili katika  siku zijazo watoto waweze kufurahia. Alisema hayo Kichere

Na pia ofisi ya Mkaguzi imetoa mifuko 70 ya simenti kwa ajili ya ujenzi wa nyumba ya watoto wa kiume inayojengwa mahali hapo lengo likiwa ni kuhakikisha kila mtoto aliyepo katika Kituo anafurahia Mazingira hayo.

Na pia Kichere aliendelea kwa kuwapongeza na kuwataka kuendelea kuwalea watoto hao kwa moyo mmoja ili na wao waweze kukua na kujitegema" 

Akishukuru kwa niaba ya Afisa Maendeleo ya Jamii Manispaa ya Ubungo Hilda Malosha amewashukuru Ofisi ya Taifa ya Mkaguzi wa Hesabu za Serikali kwa kutembelea Kituo kicho na kuwakaribisha tena kuendelea kutoa misaada mbalimbali kwa watoto hao