KONGAMANO LA WANAFUNZI - DAR ES SALAAM GIRLS, WASISITIZWA KUJITAMBUA NA KUZINGATIA MASOMO

Posted on: March 5th, 2025

Kuelekea siku wanawake Duniani tarehe 8 machi, 2025 Manispaa ya Ubungo imefanya kongamano la wanafunzi katika shule ya wasichana ya Mkoa wa Dar es Salaam iliyopo Kwembe kwa  kutoa elimu ya mambo mbalimbali  lengo likiwa ni kuwajengea uwezo waweze kujitambua, kujithamini, kuzingatia masomo ili waweze kutimiza malengo yao

Akizungumza katika kongamano hilo mwezeshaji Lilian Mwasha amewataka wanafunzi hao kujitambua, kujithamini na kujijali ili waweze kufikia malengo yao ya baadae

Lilian, amewaeleza katika kuelekea siku ya wanawake Duniani amewataka kutambua umuhimu wa kuthamini utu wao, masomo, kumcha mungu katika maisha yao ili waweze kufikia malengo yao

Aidha, mwezeshaji Deo Sukambi mbaye pia ni mwana saikolojia amewataka wanafunzi hao kuachana na ngono zembe na kuzingatia masomo sambamba na kujua umuhimu wao kwa kuthamini miili yao ili waweze  kutengeneza malengo yao ya baadae

"Hakuna umuhimu wa mtoto kubeba migogoro ya familia, zingatia yale ambayo wewe kama mtoto yatakujenga. Kubeba matatizo ya familia yatapelekea kupoteza mwelekeo katika masomo yako" amewasisitiza Deo

Aidha, katibu tarafa wa Wilaya ya Ubungo Beatrice Mbawala amesema kuwa lengo la kumbukumbu ya maadhimisho hayo amewaeleza faida zitakazopatikana endapo wakijitambua na kuthamini utu wao na kuwaeleza umuhimu wa kuzingatia masomo

Nae, mwanafunzi Mariam Musa katika Shule hiyo ameshukuru wawezeshaji wa kongamano hilo ambalo limelenga kuwajengea uwezo katika masuala mbalimbali yanayojenga jamii bora na wao kama wanafunzi wanaenda kuzingatia yale yote yaliyofundishwa

N.B Kesho tarehe 6/3/2025  Ubungo inaadhimisha siku ya wanawake kiwilaya katika viwanja vya Manispaa hiyo