KUELEKEA SIKU YA WANAWAKE DUNIANI KATA YA MAKUBURI WAFANYA JAMBO LAO

Posted on: March 7th, 2024

Kuelekea siku wanawake Dunia ambayo maadhimisho yake kimkoa yatafanyika tarehe 8/3/2024, Wanawake wa Kata ya Makuburi wameadhimisha siku hiyo Leo tarehe 7 March, 2024 kwa kutoa madawati 10 kwa Shule ya Msingi Ubungo Kisiwani (5)na Shule ya Msingi Kibangu (5)

Hafla fupi ya maadhimisho hayo imefanyika katika ukumbi wa Victoria na Mgeni rasmi ni Diwani wa Kata hiyo Mheshimiwa Qurine Shirima

Akizungumza katika hafla hiyo Mhe.shirima amewapongeza wanawake wote walioshiriki katika kusherekea siku yao na kuwataka wanawake kuendelea na mapambano ya kuleta maendeleo katika Kata yao ya Makuburi 

Nitoe pongezi kwa Rais wetu wa Jamuhuli ya Muungano wa Tanzania  Mhe. Samia suluhu Hassan kwa kuwezesha maendeleo ya Taifa letu na katika Kata ya Makuburi tumepata Kituo Cha Afya Cha Makuburi na mendeleo haya yametokana na rais Mwanamke anayeiongoza nchi yetu

Tunatambua  mchango wa wanawake katika maendeleo ya kiuchumi na katika familia.alisema hayo Shirima

 Aidha, katika hafla hiyo vyeti vya pongezi vimetolewa kwa wanawake ambao wameshiriki kikamilifu katika kuleta maendeleo katika Kata hiyo