LSF,TAWLA,MANISPAA YA UBUNGO ZANDUA MRADI WA HATI YANGU MAISHA YANGU

Posted on: August 6th, 2021

Shirika lisilo la kiserikali la legal services facility Kwa kushirikiana na chama cha wanasheria Tanzania (TAWLA) pamoja na Halmashauri ya Manispaa ya Ubungo imezindua mradi utakaowawezesha wanawake wanamiliki vipande vya ardhi katika Manispaa hiyo kupata hati za umiliki wa ARDHI zitakazowawezesha kujikwamua kiuchimi na kupata Elimu ya masuala ya ardhi.

Mradi huo ujulikanao *Hati yangu maisha yangu* umeanzishwa mahususi Kwa ajili ya kukabiliana na changamoto zinazowakumba wanawake wa hali ya chini ambao wanamiliki ardhi lakini wameshindwa kukamilisha zoezi la umilikishwaji kutokana na kushindwa kumudu Gharama za kupata hati.

 Akizungumza wakati uzinduzi WA mradi huo, Mkurugenzi wa Manispaa ya Ubungo alisema kuwa anawashukuru LSF ambao ni wafadhili  na TAWLA watekelezaji WA mradi kwa kutambua changamoto zinazowakabili wanawake katika jamii na kuamua kutekeleza mradi huo katika Manispaa ya Ubungo kwa  kata za Msigani, Mbezi, kwembe, Goba na Kibamba watakaopimiwa maeneo yao kwa kuchangia asilimia 20 tu ya Gharama hizo.

"Nitoe Rai Kwa wanawake wa kata husika kujitokeza Kwa wingi ili waweze kupata Elimu juu ya haki zao za kumiliki ardhi na fursa za kiuchumi pamoja na kipimiwa maeneo yao ambayo walishindwa kupima kutokana nakikwazo cha Gharama za upimaji" alisisitiza Beatrice

Aidha, Beatrice alieleza kuwa kupitia elimu itakayotolewa Kwa jamii itasaidia kuondoa dhana potofu juu ya wanawake katika kumiliki ardhi na faida zake kwani dhana hizo zimesababisha athari Kwa wanawake wengi.

Kwa upande wake Afisa Mtendaji Mkuu wa LSF Bi Lulu Ng'wanakilala alisema wanayo furaha kubuni mradi huo na kutoa ruzuku Kwa TAWLA kutekeleza mradi huo unaolenga zaidi kuboresha maisha ya wanawake na kupunguza umasikini.

Ng'wanakilala alifafanua kuwa mradi huo utawafikia wanawake takribani 2000 Kwa kuwapa Elimu na zaidi ya wanawake 300 watapata hati miliki zao Kwa kuchangia asilimia 20 ya gharama ya upimaji "wanawake wa Ubungo changamkieni fursa"

Nae Mkurugenzi Mkuu wa chama cha wanasheria wanawake Tanzania (TAWLA) Bi Tike Mwambipile alisema anaishukiru Serikali Kwa kuukubali mradi na ni matumaini yake kuwa programu ya *hati yangu maisha yangu* itachangia kupunguza umasikini Kwa wanawake wa Ubungo hasa Kwa kata tano ambazo zitamechaguliwa kutekeleza mradi huo Kwa mara ya kwanza.