MABORESHO MABIBO SOKONI KUONDOA TOPE

Posted on: December 2nd, 2023

Mkuu wa Wilaya ya Ubungo Mhe. Hashim komba amefanya ukaguzi kwenye maboresho ya soko la Mabibo ikiwemo ujenzi wa mashedi ya kisasa, kuwa na miundombinu ya maji na barabara, kuondoa kabisa neno tope kwenye soko na kuwa na vyoo vya kisasa ili kutimiza lengo la serikali la kuboresha mazingira ya wafanyabiashara,

Baada ya ukaguzi Komba ameelekeza kuwa maboresho yanayoendelea ni maagizo ya serikali hivyo "namwagiza mkandarasi aongeze kasi ya ujenzi na menejiment simamieni ili ukarabati huu ukamilike kwa wakati" alisema Komba

Aidha DC Komba ameagiza choo cha nje kinachomilikiwa na mtu binafsi kinachotirisha maji taka mmiliki achukuliwe hatua na choo hicho kifungwe, natoa onyo kali kwa wale wote wanaochafua mazingira kwa makusudi

Soko la Mabibo Kwa mwezi linakusanya shilingi Milioni 102, fedha ambazo zinarudi sokoni hapo kwaajili ya kufanya maboresho ya kiundombinu kwa maslahi mapana ua watu wote na sio kikundi kidogo cha watu kama ilivyokuwa kabla. Aidha nitoe rai kwa wafanyabiashara wote kuendelea kulipa kodi na kuchangia mapato ya Halmashauri

Komba amewataka wafanyabiashara wafanye biashara katika mazingira safi na salama bila kuzulumiwa, washiriki kuibua wezi wa mali za umma ili hatua kali zichukuliwe dhidi yao