MADEREVA UBUNGO WATOA MSAADA KWA WATOTO YATIMA

Posted on: July 16th, 2024

Umoja wa madereva wa Halmashauri ya Manispaa ya Ubungo, Mapema Julai 16, 2024 wameshiriki kwenye zoezi la kutoa msaada kwenye kituo cha kulea watoto yatima cha Yoko kilichopo mtaa wa Makuti, Malamba mawili.

Akiongea katika hafla hiyo kiongozi wa umoja huo Amani Mwendi Ameeleza kuwa kama ilivyo ada ya kuwafaa wale wote wenye uhitaji mathalani watoto yatima, nao imewapendeza siku ya leo kutoa msaada kwa kituo hicho ili kuwafariji kulingani na changamoto wanazokabiliana nazo kwenye malezi yao

"Umoja wetu umekuwa na utaratibu kutoa msaada kwa watoto yatima mara mbili kwa mwaka. Tumekuwa tukifanya hivi kama shukrani zetu kwa Mungu kwa kutujaalia afya njema na kuendelea na shughuli zetu za kila siku. Tunatoa wito na kwa makundi mengine kwenye maeneo ya kazi na jamii kwa ujumla kujitoa kwa watoto yatima pamoja na wale wanaoishi kwenye mazingira magumu kwani wanatuhitaji zaidi" alisema Mwendi

Nae mwanzilishi wa kituo hicho Joseph Ruzegama amaushkuru umoja huo wa madereva kwa moyo wao wa kujitoa kwa watoto yatima huku akiendelea kutoa wito kwa watu wengine kuiga mfano huo

Kituo hicho cha Yoko kina jumla ya watoto 44 wanaoishi katika kituo hicho ambao wanakabiliwa na changamoto mbalimbali.

Umoja huo wa madereva umetoa msaada wa vyakula ikiwemo mchele kilo 80, maharage kilo 20, unga kilo 50, mafuta ya kula lita 20, juisi katoni 7, vyandarua, biskuti, nyanya pamoja na mbogamboga