MADIWANI WA MANISPAA YA UBUNGO WAPIGWA MSASA

Posted on: December 9th, 2020

Madiwani 22 toka kata 14 za Manispaa ya Ubungo jijini Dar Es Salaam leo tarehe 9 desemba, wamepatiwa mafunzo maalum ya maadili na utawala bora ikiwa ni imepita siku moja tu tangu waapishe.

Mafunzo hayo  ambayo yanafanyika  kwa muda wa siku mbili  katika ukumbi wa mikutano wa Manispaa hiyo, yanalenga kuwajengea uwezo wa namna ya kutekeleza majukumu yao Kwa mujibu wa sheria, kanuni na taratibu za utumishi wa Umma.

Waheshimiwa madiwani wakisikiliza kwa makini wakati wa mafunzo ya kuwajengea uwezo yaliyotolewa na wataalamu kutoka chuo cha serikali za mitaa Hombolo

Akifungua mafunzo hayo Kwa niaba ya Mkuu wa Wilaya ya Ubungo, katibu Tawala wa Wilaya hiyo James Mkumbo  amewataka madiwani hao kusikiliza kwa makini mafunzo hayo ili yawasaidie katika kusimamia vyema sheria, kanuni na taratibu za utawala bora katika kuwaletea wananchi maendeleo.

"Haya mafunzo yamekuja wakati mwafaka ukizingati Jana tu waheshimiwa Madiwani mliapishwa rasmi, hivyo mafunzo haya yatawafanya muwe na uelewa mzuri wa namna ya  kutekeleza majukumu yenu bila kuvunja Sheria" alieleza Mkumbo.

Aidha, Mkumbo amewaambia viongozi hao kuwa,  "nimategemeo yangu baada ya mafunzo hayo  yatawasaidia kujua mipaka ya kazi ya utendaji na hivyo kushirikiana kikamilifu na wataalamu kuanzia ngazi ya mtaa Hadi Halmashauri katika kufikia maendeleo"

"Mutaelekezwa mambo mbalimbali ikiwemo usimamizi wa  miradi na ukusanyaji wa mapato, niwasihii Sana mkasimamie kwa nguvu zote ukusanyaji wa mapato maana ndio njia ya kupeleka maendeleo Kwa wananchi kwa vitendo.

 Mwezeshaji wa mafunzo hayo kutoka chuo cha Serikali za Mitaa  Hombolo  Dkt. Kisumbe Lazaro amesema lengo la mafunzo ni kuwajengea uwezo na mbinu za ushawishi ili kuleta mapokeo chanya kwa wananchi katika utekelezaji wa shighuli za kuwaletea wananchi  maendeleo hususani utekelezaji  miradi ya maendeleo.

Wakati huohuo, waheshimiwa Madiwani walioshirki mafunzo hayo, wameiponheza menejimenti ya ya Manispaa ya Ubungo Kwa kuandaa mafunzo hayo ambayo yatawafanya wawe viongozi Bora na sio Bora viongozi katika kutekeleza majukumu yao kama viongozi.

Wameendelea kusema kuwa mafunzo hayo yamewaongezea uelewa na uwezo wa kusimamia shughuli mbalimbali za maendeleo kuanzia ngazi ya Mitaa, kata na Halmashauri Kwa ujumla hususani suala la ukusanyaji wa mapato na usimamizi wa Miradi

waheshimiwa madiwani wakila moja ya  kiapo