MAFUNZO ELEKEZI YA KUTUMIA MFUMO WA SBRS YATOLEWA UBUNGO

Posted on: December 6th, 2023

Msajili wa Vizazi na Vifo RITA kwa kushirikiana na Manispaa ya Ubungo imetoa mafunzo ya Ufunguzi wa usajili wa vizazi kwa watoto chini ya umri wa miaka 5 kwa kutumia mfumo mpya wa SIMPLYFIED BIRTH REGISTRATION SYSTEM (SBRS) kwa watendaji wa Kata, watendaji wa Mitaa na watumishi kutoka katika vituo vya kutolea huduma za afya vinavyotoa huduma ya mama,baba na mtoto ambapo mafunzo hayo yamefadhiliwa  na shirika la kuhudumia watoto Duniani (UNICEF)

Akifungua mafunzo hayo tarehe 6 disemba, 2023 Mwakilishi wa Katibu Tawala Wilaya ya Ubungo Diana Nkarage amesema kuwa, zoezi hilo ni kwa mujibu wa sheria ya vizazi na vifo sura namba 108 ya sheria  ya mwaka 2019  inayompa mamlaka msajili wa vizazi na vifo Rita kumuelekeza msajili kuwezesha mafunzo ya usajili  kwenye vituo vya kutolea huduma ya mama,baba na mtoto

Diana alieleza kuwa, zoezi hilo linaenda kusaidia Serikali kupata idadi ya watoto waliopo chini ya umri wa miaka 5 katika  Wilaya hiyo na litasaidia Serikali katika kuendesha zoezi la  uandikishaji wa wanafunzi wa darasa la kwanza katika kipindi cha  miaka miwili ijayo.

Diana aliendelea kueleza kuwa, katika maswala ya afya zoezi litasaidia Serikali kujua idadi ya watoto ili iweze  kuelekeza nguvu ya  utoaji wa huduma ikiwemo malezi n.k

"Niwaombe mkaifanye kazi hii kwa kufata miongozo na mzingatie weledi, umahili na uzalendo katika kufanya kazi hii" alisisitiza Diana

Nae, Asnath Barnabas Afisa ulinzi wa watoto kutoka UNICEF, ameipongeza Serikali kwa hatua iliyofikia ya kutoa mafunzo kuelekea kwenye uzinduzi wa mfumo huo mpya wa usajili wa watoto ambao wako chini ya miaka mitano utakaofanyika tarehe 8 Desemba,2023.

Aliendelea kusema kuwa UNICEF pamoja na  SERIKALI YA CANADA na TIGO itasaidiana na Serikali ya Tanzania katika kuhakikisha zoezi la kusajili watoto linafanya kwa weledi.

Nae, Zainabu Masilamba Afisa Ustawi Manispaa ya Ubungo ambaye pia ni  mratibu wa zoezi hilo ameishukuru Rita kwa kusaidia zoezi hilo ambalo linaenda kuwafikia watoto wengi ambao awajasajiliwa na pia  amesisitiza kwa wanaopewa mafunzo kuhakikisha zoezi hilo linanyika kwa ufanisi