MAFUNZO YA MTAALA ULIBORESHWA KWA WALIMU WAKUU

Posted on: June 30th, 2024

Mapema  Mei 30, 2024 mkuu wa idara ya elimu msingi Manispaa ya Ubungo Denis Nyoni amefungua mafunzo ya siku mbili ya walimu wakuu wa shule zote za msingi za serikali na binafsi yanayohusu mtaala ulioboreshwa 

Akiongea katika mafunzo hayo yaliyofanyika katika ukumbi wa shule ya awali ya Saint Felister, Nyoni amewaasa walimu hao wakuu kuzingatia mafunzo hayo kwa umakini mkubwa hatua kwa hatua ili kwenda kutekeleza kwa weledi mkubwa katika shighuli zao za kila siku ili kuchochea matokeo chanja kwenye mfumo wa elimu

"Ni lazima mtambue kuwa nyie ndo msingi mkubwa wa utekelezaji wa mtaala huu ulioboreshwa, na nyie ndo mtaenda kuchochea mchakato wa kumuandaa mwanafunzi bora ambaye amepitishwa kwenye nyanja zote za maisha kama ambavyo serikali inatarajia" alisema Nyoni

Nae mruwezeshaji wa mafunzo hayo Dkt. Wadrine Maro Amesema kuwa mafunzo hayo ni mahsusi kwa walimu wakuu wa shule ambao ndo wataenda kusimamia utekelezwaji wa mabadiliko mbalimbali yaliyopo kwenye mtaala wa elimu ulioboreshwa

Mafunzo haya ni ya siku mbili Mei 30 na Mei 31, 2024 ambayo yanatarajiwa kutolewa kwa walimu wakuu wa shule zote za msingi kote nchini