MANDALIZI YA BAJETI YA LISHE 2023/2024 UBUNGO MC

Posted on: November 14th, 2022

Mapema Leo tarehe 14, novemba 2022 Afisa Lishe wa Manispaa ya Ubungo Bi. Beatrice Mossile ametoa  ufafanuzi wa Masuala ya udumavu kwa watoto wa kuanzia  0 hadi miaka mitano (5) ambapo kwa Manispaa ya Ubungo,  kwa mwaka wa fedha 2021/2022 ilikuwa  4.1% ,

Aliendelea kwa kusema kuwa, ukondefu kwa watoto wa miezi 0 hadi miaka mitano ulikuwa 11% na Watoto Waliozaliwa na uzito  pungufu  Kg 2.5 ilikuwa ni  asilimia 8.8.

Mossile, aliendelea kusema kuwa hali hii inaashiria bado jitihada za kutoa elimu ya lishe Bora, inatakiwa ikiwemo  upimaji wa hali ya lishe kwa jamii na ulaji wa chakula mashuleni.
Bajeti ya lishe kwa mwaka wa fedha 2021/2022 iliweza kukidhi mahitaji muhimu kwa namna  ilivyopangwa hivyo kupunguza athari za hali ya lishe duni kwa Manispaa ya Ubungo alieleza Mossile
Nae, Afisa lishe wa Mkoa Bi. Janeth Stanley alitoa taswira ya hali ya lishe Kwa mkoa wa Dar es salaam  na kuelezea changamoto kubwa ya masuala ya lishe bora kwa mkoa wa Dae es salaam ikiwemo ulaji wa chakula shuleni

Alisisitiza  maswala ya lishe alisema kwa sasa Magonjwa yasiyoambukiza yanaongezeka kutokana na takwimu za AFYA na hivyo kusisitiza kwenye maandalizi ya Bajeti ya lishe waweze kuzingatia elimu ya ulaji sahihi katika makundi yote ya watu.

Aidha, alimpongeza sana Mossile kwa kuweza kutekeleza Afua za Lishe vizuri na kupunguza athari ya magonjwa yasiyoambukiza yatokanayo na lishe.

Halikadhalika, Idara ya elimu Msingi  na Sekondari wameweza kupanga mipango yao watakavyoweza kufanya ufanisi wa upatikanaji wa chakula shuleni kwa kishirikiana na wazazi/ walezi sambamba na Idara ya Mifugo, Uvuvi na Kilimo walitoa mawasilisho yao namna watakavyoweza kuzalisha vyakula na kuweza kufanya kilimo cha Mjini ili jamii iweze kuwa na lishe Bora.
 
Na Idara ya Maendeleo ya Jamii  waliwasilisha  namna watakavyoweza kutoa elimu ya lishe kwa vijana, wanawake na watu wenye ulemavu kwa kutoa Mikopo nafuu ya 10%, na watakavyoweza kuendelea kutoa elimu ya lishe kwa kaya zinazohudumiwa na MFUKO wa TASAF.