MANISPAA YA UBUNGO YAKAGUA NA KUTOA ELIMU YA MAZINGIRA KWA WACHIMBAJI MCHANGA MTO MPIJI

Posted on: August 25th, 2023

Maafisa mazingira wa Manispaa ya Ubungo wakagua maeneo yanayochimbwa mchanga kinyume na taratibu katika mtaa wa Hondogo, Mto Mpiji sambamba na utoaji elimu ya mazingira juu ya uchimbaji huo.

Bi. Jesca Katiyuhagira ni Afisa mazingira wa Manispaa  Agosti 25, 2023 ameongea na wachimbaji hao wanaochimba mchanga kwenye Mto Mpiji Mtaa wa Hondogo eneo la Mkwajuni, aliwataka kuacha mara moja kwani wanaharibu mazingira na endapo wataendelea utafanyika msako wa kuwakamata.

 "Leo Manispaa hatukuja kumkamata mtu, tumekuja kuongea nanyi, kutoa elimu na kuwaambia muachane na uchimbaji huo. hatukuja kumkamata mtu, mkiendelea tutawakamata kwahiyo tunawaomba sana mfuate hiki tunachowaambia". Mto huo unao tenganisha Mkoa wa Dar es Salaam na Pwani.

Nae mjumbe wa Mtaa wa Hondogo Bwn. Salehe Mohammadi aliye ambatana na Maafisa hao amewataka wachimbaji hao kuwa watiifu kwa kile wanachoambiwa na watafute riziki kwa njia nyingine. Pia aliwaomba kuanzisha vikundi ili waombe mikopo na kuanzisha shughuli nyingine za kuwawezesha kujikwamua kiuchumi.

Mmoja wa wachimbaji hao Bwn. Juma Hamisi ameahidi kuachana na shughuli hiyo na kuendelea kutoa elimu kwa wenzake ambao baadhi yao walikimbia baada ya kuwaona Maafisa hao wakiambatana na polisi.

afisa mazingira Manispaa ya Ubungo Jesca Katiyuhagila akitoa elimu  kwa wachimba mchanga