MBUNGE WA UBUNGO AWAKUMBUKA WAKINA MAMA NA WATU WENYE ULEMAVU

Posted on: November 20th, 2021

Mbunge wa Jimbo la Ubungo ambaye pia ni Waziri wa Viwanda na Biashara Mheshimiwa Kitila Mkumbo amewawezesha watu wenye ulemavu na Wakina mama Vifaa kwaajili ya shughuli za kujikimu  kiuchumi na kuboresha mazingira ya kuishi kwa watu wenye ulemavu

Katika hafla hiyo  ametoa  baskeri za miguu mitatu 10 kwa watu wenye ulemavu ,mashine za kushonea ( cherehani)  15 kwaajili ya vikundi vya wanawake, magongo 60 kwa watu wenye ulemavu na fimbo nyeupe 60 kwaajili ya wasioona.

Makabidhiano hayo yamefanyika leo tarehe 20/11/2021 Kitila amekikabidhi kikundi cha wanawake wajasiriamali wa kata ya makurumla kiitwacho kagera mshikamano group cherahani 5, kata ya  manzese kikundi Cha wajasiriamali kiitwacho freedom cherehani 5, kata ya mburahati  kikundi Cha wajasiriamali kiitwacho kitunzi cherehani 3 na kikundi cha wajasiriamali  kiitwacho lugha moja cherehani 2.

Aidha Kitila alisema kuwa  kuhakikisha kuwa Serikali inakua karibu na wanachi wake tumeendelea kuhakikisha watu wenye ulemavu wanapata mahitaji yao, na Mimi Kama Mbunge wa Jimbo hili la ubungo nitahakikisha natekeleza Yale yote ambayo niliyaaidi kwa wananchi wangu.

Aliendelea kwa kuwashukuru na kuwapongeza Mkuu wa Wilaya na Mkurugenzi Manispaa ya Ubungo  kwa jitihada zao katika kuhakikisha Wilaya ya Ubungo inaenda vizuri

Nae Mkuu wa Wilaya ya Ubungo Kheri James amesema kuwa  amefurahishwa na msaada huo kwa wahitaji hao na ni vyema kuwasaidia ili kuonyesha umuhimu wao katika Jamii zetu

Watu wenye ulemavu ni watu muhimu na Wana nafasi kubwa katika Jamii, tuendelea kuwasaidia na kuwajali na kuwapa haki sawa na wengine.

Alikadhalika Mkurugenzi wa Manispaa ya Ubungo  Beatrice Dominic alieleza  Halmashauri imetenga asilimia 2% ya mapato yake kwaaajili ya kuwasaidia watu wenye ulemavu  kujikimu kiuchumi

Mwakilishi wa watu wasioona Wilaya ya Ubungo  mwenyekiti wa walemavu wa viungo wamemshukuru Mheshimiwa Mbunge kwa misaada waliyopata.

Manispaa ya Ubungo ina jumla ya walemavu 1,287,  ambapo wenye ulemavu wa viungo 601, Ualbino 183,wasioona 130,Viziwi 233,wenye ulemavu wa akili 140