MD KAGURUMJULI APOKEA TUZO, APONGEZA KITENGO CHA MAWASILIANO SERIKALINI

Posted on: September 23rd, 2024

Mapema  tarehe 23/9/2024 Kaimu Mkuu wa Kitengo cha Mawasiliano Serikalini Bi. Joina Nzali amekabidhi tuzo kwa Mkurugenzi wa Manispaa ya Ubungo Ndg. Aron Kagurumjuli baada ya Manispaa hiyo kupokea tuzo hiyo kutoka katika Asasi ya kiraia ya Jamii Forum kwenye  Maadhimisho ya miaka mitano ya Program ya Story of change ambapo Taasisi 10 zimepata tuzo hizo na Manispaa ya Ubungo ikiwa ni moja wapo katika kipengele cha uwajibikaji wa haraka katika kutoa majibu ya hoja zinazoibuliwa na wananchi kupitia mtandao wa kidigitali wa Jamiiforum

Akipokea tuzo hiyo Mkurugenzi wa Manispaa hiyo Ndg. Kagurumjuli amepongeza kitengo cha Mawasiliano Serikalini kwa juhudi zinazoonekana mpaka kupelekea kupatiwa tuzo hiyo ambayo imetolewa kutokana na Ubungo kufanya vizuri katika kutoa majibu ya hoja zinazowasilishwa na wananchi  kupitia mitandao ya kijamii na kuagiza kuendelea kufanya kazi kwa bidii na weledi ili kuleta matokeo chanya zaidi kwa taasisi

Ikumbukwe kuwa Manispaa ya Ubungo ilikabidhiwa tuzo hiyo  siku ya jumamosi ya tarehe 21/9/2024 kwenye hafla ya ugawaji wa tuzo kwa taasisi na waandishi wa maandiko mbalimbali iliyofanyika katika ukumbi wa Hoteli ya Johari Rotana jijini Dar es salaam.