MD UBUNGO AFURAHISHWA NA USHINDI WA TIMU YA NETBALL UBUNGO MC

Posted on: October 22nd, 2023

“Nimefurahishwa sana kwa ushindi huu mlioupata leo kwenye mechi hii mliyoicheza leo katika mashindano haya sambamba na ile ya jana ninawapongeza sana”

Kauli hiyo imetolewa l tarehe 22/10/2023 na Mkurugenzi wa Manispaa ya Ubungo Ndg. Elias Ntiruhungwa alipotembelea timu ya mpira wa pete ya Manispaa hiyo inayoshiriki mashindano yanayoendelea Mkoani Dodoma ya Shirikisho la Michezo Serikali za Mitaa Tanzania ‘SHIMISEMITA’ yanayoenda sambamba na kauli mbiu isemayo “Imarisha afya na mahusiano kazini kwa maendeleo ya Taifa”

Ntiruhungwa ameitaka timu hiyo kuendelea kufanya vizuri kwenye mechi zote na hatimae kuwa washindi na hivyo kupeperusha bendera ya Manispaa hiyo kimichezo Nchini.

Nae Afisa Michezo wa Manispaa hiyo Wikansia Mwanga amesema amefurahishwa na matokeo ya mechi hizo na amewataka wachezaji wa timu hiyo kuendelea kuiheshimisha Manispaa hiyo na kuhakikisha ushindi unaendelea kunapatikana.

Akiongea kwa niaba ya wachezaji wa timu hiyo Kapteni wa timu hiyo Shinuna Mohamed ameahidi kuwa ushindi lazima utapatikana kwani wachezaji wote wapo imara na hakuna mechi ambayo timu hiyo itapoteza.

Katika Mashindano hayo tayari timu hiyo imeshacheza mechi mbili za makundi baina ya Halmashauri ya Wilaya ya Kaliua na Ulanga na kushinda mechi zote mbili.

Aidha kwa upande mwingine Ntiruhungwa ameahidi kuhakikisha timu zote za Manispaa ya Ubungo zinashiriki vema mashindano hayo mwakani

Mkurugenzi Manispaa ya Ubungo Elias Ntiruhungwa akiwa katika picha ya pamoja na wachezaji wa timu ya Netball Manispaa ya Ubungo katika mashindano yanayofanyika Dodoma