Mila na desturi zinazofaa ziendelezwe

Posted on: December 20th, 2021

Katibu Mkuu Wizara ya Afya, Maendeleo ya Jamii, Jinsia, Wazee na Watoto ( Idara kuu ya Maendeleo ya jamii) Dkt John Jingu ameelekeza wataalamu kwa shirikiana na jamii waibue na kuendeleza mila na desturi zinazofaa kwani ndizo zinatoa mwongozo wa namna jamii inatakiwa kuenenda.   

Dkt Jingu alitoa maelekezo hayo disemba 20, 2021 kwenye kikao kazi kilichohusisha Maafisa Ustawi na maendeleo ya jamii, viongozi wa dini, wazee maarufu, asas za kiraia kilicholenga kujadili na kuchambua mila na desturi zinazofaa katika jamii na kuziwekea mikakati ikiwa ni pamoja na kuziondoa mila zisizofaa. 

Aidha, Dkt Jingu ameeleza kuwa Mila na desturi zetu ndizo zinazotupa njia na matarajio ya namna gani jamii inapaswa kuenenda lakini pia amesema mila na desturi zetu zinabadilika kutokana na mazingira mbalimbali, utandawazi, mabadiliko ya kisiasa, majanga hivyo mila na desturi za zamani haziwezi kuwa sawa na za sasa.

Pia, amesisitiza kuacha mila na desturi zisizofaa kwa badala yake ziendelezwe zile zinazofaa katika jamiii ili kulinda haki wajamii hususani wanawake na watoto ambao wamekuwa ni wahanga wa mila hizo.

Aidha kwa upande wake Afisa Maendeleo ya Jamii kutoka wizara hiyo ndugu Dolitha Masanja alisisitiza kuwa kila mshiriki akawe Balozi mzuri wa kuelimisha jamii juu kuachana mila na desturi kandamizi ilikuwa na jamii yenye haki na usawa. 

 Aidha, katika kikao hicho imeelezwa kuwa, Watoto wanahitaji kusikilizwa katika familia na jamii kwa ujumla, Vijana wahusishwe kwenye semina mbalimbali, kuwatambua wageni wote wanaokuja katika jamii zetu, kutoa elimu sawa kwa watoto wakike na wakiume, nyimbo zetu za asili ziendelee kuenziwa, kutumia vyombo vya habari vizuri katika kuhakikisha elimu ya mila na desturi inawafikia watu wote katika jamii, shuleni kuwe na mitaala ya maswala ya mila na desturi.

ReplyForward