MKURUGENZI WA ELIMU TAMISEMI AONGEA NA WALIMU UBUNGO

Posted on: June 20th, 2024

Mkurugenzi wa Elimu Tamisemi Dkt. Emmanuel Shindika tarehe 19 juni, 2024 ameongea na walimu wa Shule za msingi na Sekondari katika Manispaa ya Ubungo na kuwataka kuzingatia maadili ya kazi, kufanya kazi kwa ufanisi na kuwakumbusha masuala mbalimbali ya kuzingatia katika utendaji wa majukumu yao ya ufundishaji

Aliendelea kusema kuwa, Serikali imelenga  kuhakikisha walimu wanapata maslahi yao na katika kuhakikisha hilo amewaagiza maafisa elimu Sekondari na Msingi  kusimamia walimu kupata maslahi yao ya likizo, malimbikizo na kuhakikisha wanaostahili kupanda madaraja wanapanda

"Amini inawezekana, badilisha mtazamo, acha mazoea" hayo yalikuwa ni maneno ya Dkt. Shindika amewataka walimu kubadili mitazamo yao na kuongeza bidii katika ufundishaji

Dk. Shindika amewataka walimu kufundisha na kufanya kazi kwa weledi na ufanisi ili kuongeza ufaulu wa wanafunzi "Jivunie kuitwa mwalimu, uwalimu ni ufahari, jivunie kuitwa mwalimu" alisema hayo Dkt. Shindika

Akisoma taarifa ya divisheni ya elimu msingi na awali pamoja na elimu Sekondari Mkuu wa Idara ya elimu Sekondari Ndg. Vosta Mgina amesema kuwa  Manispaa ya Ubungo ina jumla ya Shule 225 za elimu msingi na kati ya hizo za Serikali 69 na binafsi 156 na pia amesema kuwa jumla ya Shule za Sekondari 74 kati ya hizo 36 za Serikali na binafsi ni 38

Aliendelea kueleza kuwa jumla ya walimu 150 wa Shule za msingi na Sekondari wamelipwa malimbikizo ya mishahara

Na jumla ya madai ya likizo yenye thamani ya kiasi Cha shilingi 361,669,000.00 yamelipwa kwa walimu 1203 kwa mwaka wa fedha 2023/2024

Nae, Kaimu Mkurugenzi Upendo Haule ambaye pia ni Afisa utumishi na usimamizi wa rasilimali watu amewapongeza walimu kwa kufanya kazi kwa bidii na kuwaahidi kuhakikisha anasimamia vyema wanapata masilahi yao.

Halikadhalika, Afisa elimu Mkoa Gift Kyando amewaagiza maafisa elimu kuhakikisha wanashughulikia changamoto za walimu hao mapema ili wapate stahiki zao kama ilivyoagizwa na Mkurugenzi Dkt.shin