MKURUGENZI WA MANISPAA YA UBUNGO APOKEA MBAO 800 KUTOKA BENKI YA NMB

Posted on: November 22nd, 2019

Mkurugenzi wa Manispaa ya Ubungo Bi.BEATRICE DOMINIC  leo amepokea mbao 800 kutoka benki ya NMB katika shule ya Sekondari Mbezi Inn.   Akikabidhi mbao hizo Mkurugenzi wa NMB kanda ya Daresalaam na Zanzibar Ndg. Badru Idd amesema kwa niaba ya benki NMB na Mkurugenzi wa NMB anatoa shukrani za dhati kwa Uongozi wa Manispaa kwa ushirikiano wanaoutoa.  Nimefurahi hii shule ni miongoni mwa shule zinazofanya vizuri katika mitihani ya Taifa, someni sana tunataka angalau siku moja raisi atoke hapa. Alisema Badru.  Baada ya kupokea mbao hizo Bi.Beatrice Dominic  alitoa shukrani zake za pekee kwa Mkurugenzi wa NMB kwa mchango wao.  Ikumbukwe kuwa Shule ya Sekondari Mbezi Inn iliungua tarehe 1 mwezi wa nne mwaka huu na Mkurugenzi wa Manispaa amekuwa akifanya jitihada kuhakikisha ujenzi wa madarasa yaliyoungua unaanza mara moja.

Napenda niwahakikishie kuwa ujenzi huu utaanza Jumatatu mara moja na mbao hizi zitatumika kwa wakati na kwa kusudio lake. Aliongeza Bi. Beatrice.  Mkurugenzi wa Manispaa aliiomba Jamii inayoizunguka shule, Walimu pamoja na wanafunzi kuhakikisha wanalinda na kuhifadhi vizuri miundombinu ya Shule, Madarasa pamoja na Madawati kwani Serikali ya awamu ya tano chini ya Dr. John Pombe Magufuli  inathamini sana elimu kiasi cha kutoa elimu bure kuanzia Shule za Msingi hadi Sekondari.  Kwa kumalizia Mkurugenzi aliiomba Benki ya NMB kutoishia hapo tuu ila waendelee kutoa misaada kwani Halmashauri bado ina mahitaji hasa kwenye sekta ya Afya kwani kuna maneo mengi ambayo ujenzi unaendelea na kutakuwa na mahitaji wakati ujenzi ukiendelea na baada ya kukamilika.