MWENEZI MAKALLA AFANYA ZIARA UBUNGO ATEMBELEA JIMBO LA KIBAMBA NA KUTATUA KERO ZA WANANCHI

Posted on: July 14th, 2024

Katibu wa itikadi, uenezi na mafunzo wa Ccm Taifa CPA Ndg. Amosi Makalla  amefanya ziara katika Wilaya ya Ubungo tarehe 14 julai, 2024 na kuanza na jimbo la kibamba kwa kutembelea katika miradi ya maendeleo ikiwemo mradi wa Shule ya wasichana ya Mkoa wa Dar es salaam iliyopo Kata ya kwembe  katika Mtaa wa Njeteni na kupongeza uongozi wa Manispaa ya Ubungo kwa kusimamia vizuri mradi huo uliojengwa kwa gharama zaidi ya shilingi bilioni 4 ambao kwa Sasa wanafunzi wanaendelea na masomo katika shule hiyo iliyoanzia kidato Cha kwanza mpaka Cha  kidato sita

Makalla ameendelea kuwataka wanafunzi wa Shule hiyo kuhakikisha wanasoma kwa bidii na kuzingatia maadili ili waweze kuendelea kuleta matokeo chanya na kutimiza malengo yao

"Mhe. Raisi wa Jamuhuri ya Muungano wa Tanzania Dkt.  Samia Suluhu Hassan ameleta fedha katika kila Mkoa ili ujenzi wa Shule za Mkoa ziwepo lengo  ni kuleta maendeleo na watoto wa kike wanapata kipaumbele na Ubungo imebarikiwa Shule hii kujengwa katika Wilaya hii" amesema hayo Makalla

Na pia Makalla ametembelea mradi wa tanki la maji mshikamano  ambao umejengwa kwa gharama ya shilingi  bilioni 4.8 unaosambaza maji kwa jimbo zima la kibamba na kupongeza uongozi wa Dawasa kwa kuhakikisha kazi inafanyika na wananchi wa jimbo la kibamba wanapata maji na kumtaka waendelee kuzingatia na maeneo ambayo hayana maji ikiwemo msumi changamoto inatatuliwa.

Aidha, Makalla amefanya mkutano wa hadhara katika uwanja wa Msigani na kutatua kero za wananchi 

Akishukuru kwa ujio wa kiongozi huyo Mwenyekiti wa chama Wilaya ya Ubungo Rogati Mbowe  amemshukuru mwenezi Makalla  kwa kuja Ubungo na  kusikiliza kero za Wana kibamba na kutatua changamoto zao

Makalla anafanya ziara Wilaya Ubungo kwa siku mbili ambapo jana ametembelea jimbo la kibamba na leo tarehe 15 julai, 2024 atafanya ziara jimbo la Ubungo na kufanya mkutano katika viwanja vya Tp Sinza.